Econ記者

從一個「50幾歲、失婚無耐加上有兩個仔女，遇上溝唔到女同佢過埋下半世這『中年危機』」的經濟學教授之角度，去分析Online Dating的運作並教讀者簡單的經濟學理論。

最近我相當在網上打字變得相當不努力，一星期都弄不出一篇文，FB主頁的更新，更只是一日一個。無他的，最近GTA Online的網上環境變得穩定，本人的心就已由混亂不堪的香港，移民到Los Santos 了。 作為宅男自白，我認為最近的生活素質，其實因為GTA Online而提升了。要知道，在那個虛擬世界大家都可以隨心地做各種有趣事，而在Online環境中，更重要的是you are not alone! 你實際上可以同老朋友，與及新識的老朋友一起歡度時光，輕輕鬆鬆幾個鐘。以下的youtube可以給大家一個示範～ 而本人的現實生活都因而起了變化。我最近多了時間在家休息，多了時間在家煮食。食得住家飯多，個人都健康左囉～ 所以這完全是整體Well-being 的提升。 近年在經濟學界，有一個新的方向，就是要找尋優化GDP這個經濟指標的方法。 要知道GDP本來的目的，就是要量度一國之民的Well-being。只是由於量度Well-being有一定難度（正所謂子非魚，點知魚HAPPY~)，所以經濟學者就以Income 作為量度上的Proxy （替代單位）方便處理。 但讀過下中學經濟學的朋友，可能都學過下以GDP量度的問題，例如GDP怱視了環境保護的價值。最為人知道的例子是中國的經濟增加近十年好強勁，但同時環境被破壞的程度也很嚴重，日日在毒氣環境生活，難言當地的市民的Well-being有如GDP般有強勁增長。而更大的問題，是不少國家（如強國就是好例子）都以提高GDP這個Proxy為一國之目標，結果是只有計在GDP內的項目得到支持，而不少沒有計算在內，但又對地球人的well-being有影響力的項目，例如環境及藝術發展等，都無法得到應有的資金緩助，令經濟增長與實際人民生活的改進，出現重大的分離。 所以近年學者開始提出改善的方法，例如管理學大師Michael Porter近年提出的Social Progress Index就是其中一個改善方法。 不過，本文想講的是經濟近年開發的另一條路線，Happynomics! （我明白不少人會將之譯為「開心經濟學」，但係...真的有譯的需要嗎？） Happynomics的目的，是將一個國家的人民的Happiness直接量化，希望在GDP這個proxy以外，重新回答最重要的問題：「這個國家到底有幾Happy?」他們成立了不同的量度指標，例如Gross National Happiness及Genuine Progress Index。 不過個別的開心指數質素參差，例如曾評選瓦努亞圖「為全球最開心國家」的Happy Planet Index，就被經濟學者Tim Harford批評，由於計算方式只為 (平均life...

Freakonomics 最新的Podcast “How to Think About Money, Choose Your Hometown, and Buy an Electric Toothbrush”，係另一次的FREAK-quently Asked Questions，係一個值得推介的Podcast。 當中經濟學者Steve Levitt的一段話吸引到我的注意，我認為所有年青人應該留意下。 LEVITT: One of the best pieces of...

作為曼聯迷加上「財經記者」，眼見球隊的聯賽排名用iPhone 5s都睇唔到之際，當然要問下「全能的」投資市場，曼聯前景到底會點。 輸俾西布朗，在第6輪賽事就吃下第3場敗仗，成為近24年來最差的開季成績，聯賽排名更跌落12位，這些前所未見（至少我睇波以來都未見過，我咁後生～）的情況到底會如何反映在曼聯的股價上，要今晚先知（希望到時我有時間update下大家），不過我地可以睇番之前兩場輸波後的股價表現，以前事作鑑。 今季首場財仗出現係9月1日，當日曼聯輸左俾利物浦0-1。輸之前個日（即8月30日），曼聯股價係16.86美元。到9月3日復市，曼聯最低跌過去16.76美元，收市報16.84美元，只係跌左0.1%，可以話係無反應。的確，輸一場半場無咩大不了～ 到左9月22日，今次就到左俾同市對手曼城大炒1-4，曼聯踢得幾差唔洗我再多講 (上網一Search就大把)，而呢場波亦開始令投資者憂心啦。賽前（9月20日），曼聯股價係17.55美元。23日復市，曼聯收報17.3美元，足足跌左1.4%，跌幅勁過上次！無他的，明眼人都覺得莫耶斯真係見晒底，輸埋西布朗呢場，重點叫人有信心，所以今晚股價都係跌嘅多。 曼聯迷係咪應該好擔心，係股價的表現看來，反而唔覺得要太擔心。你睇下，由輸俾利物浦之後，到對曼城之前，曼聯股價係升左4.21%的。而係曼城個場之後，股價一樣有反彈，至上星期五彈左1.79%。因為戰績好反彈？可能啦，不過我話係有個對股價不明朗因素有機會消除帶動就真。 我講緊就係莫耶斯呢個不明朗因素啦！事實上市場從不看好佢會為曼聯帶來好成績，公布佢上任曼聯個日股價就曾一度跌5%。到左今日，累績跌幅都重有成4.5%（上圖）。咁點解佢帶曼聯輸得多左，股價水平反而升左？我相信同呢個賠率愈來愈低有關。 依家莫耶斯成為下個被炒的英超領隊的賠率最低只有14倍，睇黎重會愈來愈低。係咁嘅前題下，曼聯股價今晚就算係跌，好快會重上升軌的！曼迷唔好太擔心啦。 (遊戲文章，唔好太認真，更唔好當係投資建議！）

除非今晚有突破性發展，未來兩日財經世界的走勢都會被Debt Ceiling （債務上限）呢件事左右。（當然，意大利貝老的同黨集體辭職都會左右大市啦，不過重心都係美帝會唔會違約呢件事）。各大「財經」版都在過去一星期對Debt ceiling有適量的報道，不過由於版位有限，加上美國的政治好複雜及事情發展得好急 （當然重有寫手的「我寫得詳，讀者都唔會明啦」的心態），令大部份報道都係集中於個別大事件上。 本著網上版位無限，你鐘意睇就睇，唔睇就算數的心態，我就大膽從美國的媒體為大家整合一下報道，等大家睇得明D。 首先，基本知識，美國國會分成House （眾議院） 同Senate （參議院）兩部份，House就由共和黨控制﹐Senate就由民主黨控制，形成政治兩極化 （polarization）的形勢。由於提高Debt Ceiling的法案需要係House及Senate同獲通過才可以執行，亦由於美國政府的財政年度會係10月1日開始，無法提高Debt ceiling新朌財年就唔會有錢俾政府繼續運作，政府會先在10月1日開始出現所謂Shutdown 的情況，而財政部亦預計，到左10月7日，就會可能出現美國無力還債的情況。 因此共和黨就把握機會，利用「美國政府Shutdown 同違約」作為「人質」，希望迫奧巴馬同民主黨放棄它們近年的重要政績﹣﹣﹣Obamacare （醫改法案）。奧巴馬一直姿態強硬，多次重申唔會同共和黨談判，並強調唔應該用美國政府的信用作為談判籌碼。不過共和黨就當然唔理佢，（House  Speaker John Boehner重整左條片，諷刺奧巴馬寧願同普京談判都唔同佢地談判，如下）係21日House 就通過左一個提高Debt Ceiling的法案，但當然包含停止對Obamacare撥款的條款。 當House通過左個法案，就會交俾Senate討論。由於Senate係由民主黨控制，當然唔會俾Obamacare停止撥款呢類條款出現啦。雖然共和黨明白呢個事實，但為左令事情更具戲劇性同吸引更多美國人留意，共和黨就出動佢地係Senate反對Obamacare的代表Ted Cruz議員發動「拉布」，一個棟左係度講足21個鐘零19分鐘（當中有不少精彩地方，例如朗頌下Dr. Seuss呢本兒童故事，如下）。 （上圖呢兩個係Ted Cruz個女，聽緊佢係度朗頌Dr.Seuss）   但最後，Senate係美國時間星期五下午，通過左一個新的提高Debt Ceiling 法案，內容梗係無左停止向Obamacare撥款呢件事啦。修改過嘅法案，就會發還House重議。 而最新消息就係，共和黨提出左一個「讓步方案」，將停止向Obamacare撥款的條款，改為延遲推行Obamacare一年。呢個新嘅法案已經係美國時間星期日清晨通過左，預期星期一就會番去Senate再議。 不過，民主黨係Senate嘅代表一早就講明，唔會通過任何延遲推行Obamacare嘅法案，好大機會係星期一Senate會再修訂法案，將佢變番完全唔影響Obamacare的版本，再發回House。由於星期一已經係30日，係咁發來發去會浪費唔少時間，可唔可以趕係10月1日呢個死線前過到，真係好睇兩黨點玩落去。 我唔係財演，唔打算做預估，但希望大家可以明白呢件事發展多少少。

這是個無聊的創作故事。 有一個朋友，2003年的時候家裏很窮，當時屋企的門開了一間麥當勞，他見可以省錢又方便，因此決定每天都食麥當勞的超值套餐。如是者，一食就九年。 這九年來，他成功憑藉省食儲到一定的金錢。但由今年初開始，他的胃毛病多了，令他意識到終日只吃麥記，長遠對身體無益，因此他下了個重要的決定--- 開始少食麥記。慢慢地，他體會到擺脫麥當勞，改變生活習慣是有益的。他甚至開始以自身經驗告誡朋友，麥當勞不可以食太多。誰會料到，這行為竟會有人看不過眼來。那人不是別人，就是麥當勞叔叔。 有一天，麥當勞叔叔在南華日報寫道: 「作為你多年來的衣食父母，我必須指出，你的行為是不負責任。多年來，没了超值套餐，你會有溫飽嗎? 你知道你每天食的漢堡包是哪裡來的? 誰都清楚知道，人不可不進食一星期，否則是會死掉的，因此停食超值套餐是蠢人的選擇。選擇對自己建康于不利的選擇，是不合情理的。 過去九年，我們之間亦建立了長遠穩定的關係。所有破壞這關係的想法，對你自身都是害多於益。我明白過去進食超值套餐期間，你身體曾出現微不足道的負面影響。但我重申，進食是長遠對健康最為重要的一環，所以你應該包容所有負面影響，明確認清真正對自己有利的選擇。其間，為了減輕對你的壞影，我已經責成漢堡神偷，在超值套餐加入沙律作為選擇。今後，你只要加$12.98，就可以由配薯條轉成沙律，相信可以完全回應你的訴求。 我再重申，我們應著眼我們過去九年的密切關係，將維持雙方關系作為首要目標。最後，如果你堅持不按照以往的方式光顧麥當勞，我方不排除取消超值套餐的可能，到時你會將會後悔莫及。」 請明白，這個無聊的故事只想帶出一個道理，任何交易都是兩方有利(Mutually beneficial) 的，只有白痴才會將交易說成關照。做自由行生意，是出服務換錢，與買麥當勞食(出錢換漢堡包) ，是基本上是相同的。如我不會因為麥當勞包而放棄對自己的生活的自主能力，我亦不想因為做你的生意而失去生活的自主性。再者，我食麥當勞得到溫飽，不代表我不食麥當勞就不會再飽。沒了內地的「支持」，本港經濟會有震盪及改變，但我相信我們仍能生存。 最後，其實如果你不認同我不愛你的行為，你都可以放棄我的，不一定要我放棄你的。