英國今年嘅經濟增長持續強韌，上半年兩季已經先後見到（第一季）0.6%同（第二季）0.5%升幅，第三季仲維持到個走勢，按季升0.7%。
AI投資為增長動力
ONS (Office of National Statistics) 都表明AI投資係主要增長來源。用Expenditure Approach （亦即係C+I+G+X-M）呢條方程式去睇，可以見到 I（投資，喺英國個英文係Gross Fixed Capital Formation）今季增長強勁，高達1.7%嘅按季增長。呢個就係AI投資個威力啦。
AI投資即係?
喺投資入面有兩個項明顯同AI有關嘅，就係資訊、通訊及電訊設備（ICT Equipment）及知識產權商品兩者。而今季嘅投資增長主要係前者。
消費貢獻都好大
消費「只係」得0.6%嘅增長，遠遜於投資，不過如果轉成睇對整體GDP嘅增長貢獻，投資嘅貢獻係0.32個百份點，消費嘅貢獻則為0.35個百分點。咁就當然係因為消費嘅經濟佔比大好多。
由上圖可以見到，今年三季消費都有唔錯嘅貢獻，係第二季弱少少，所以今年唔只係AI嘅貢獻，而仲係靠英國人努力洗錢帶黎經濟增長。
