Econ記者
消息人士： Warsh知喺說服市場上有所不足
FT引述接近聯儲局主席Kevin Warsh嘅人士指，Warsh明白到喺說服市場佢係有決心控制通脹方面做得唔理想，但佢依然唔會改變佢唔做利率政策「指引」嘅做法。
不過呢個放風環節都包括左好重要嘅一句：
如果通脹數據過熱，Warsh係「準備好」9月加息嘅。🔥
FIFA建議成立200億美元子公司 管理商業授權業務
FIFA出新聞稿，話要成立一間估值200億美元嘅子公司去管理佢嘅商業授權業務，包括賽事轉播權、商業贊助及賽事票務等。
雖然無講明，但呢間子公司似係牟利公司； 新聞稿講左，會接受第三方投資購入小數股權，並會對外集資42億美元。
咁呢個建議要有大多數成員足協投票贊成先會成事，咁點樣「說服」各成員支持？
👏 FIFA 指參與佢嘅FIFA Fast Forward Programme 嘅足協，可以係2027-30周期對每個足協嘅撥款由800萬美元上調至2000萬美元。
Waller曾向Warsh表明「啲Task Forces多餘嘅」
今日較早前WSJ嘅聯儲局傳心師Nick Timiraos 引述消息人士報道，指Warsh喺上次議息會議第一日嘅晚上同其他聯儲局官員一齊食晚飯，期間佢首次同一眾FOMC成員公佈會成立嗰五個改革聯儲局嘅專案小組（Task Forces）
理事Waller即時話唔明呢啲Task Forces有咩意思，並謂你話我聽邊個會入呢啲小組，我已經可以話俾你睇佢地會建議啲咩啦。
呢條消息係進一步示意，Waller似乎唔太妥Warsh嘅領導方向。
美國首次申領失業援助人數創1969年以黎最低
喺至到7月18日嘅個星期，美國首次申領失業援助嘅人數只係18.7萬人呢個數字，係1969年以首次見到咁低。
但分析認為呢個應該係季度調整嘅「異常」情況，有機會下星期就修正返。
Warsh周五宣誓就任聯儲局主席 傳Trump「破例」親自監誓
Kevin Warsh將會喺今個星期五（即5月22日）正式就任聯儲局主席。
據Fox News記者Edward Lawrence 周一下午報道， Warsh嘅宣誓儀式將會喺白宮舉行。
近年嘅慣例，新任聯儲局主席嘅宣誓儀式一般係喺聯儲局總部大樓舉行，而監誓嘅會係時任嘅聯儲局副主席。
例如 Jerome Powell喺2018年，就係喺由當時嘅銀行監管副主席 Randal K. Quarles監誓；- Janet Yellen（耶倫）喺2014年2月嘅宣誓儀式亦於央行總部舉行，由理事Daniel Tarullo監誓（咁係因為耶倫本人就係當時嘅副主席，佢嘅繼任人Stanley Fischer要去到同年6月先入局。）
Ben Bernanke（伯南克）喺2006年2月由時任副主席Roger Ferguson監誓；值得留意嘅一點係當時George W. Bush（小布殊）亦有出席，並喺Bernanke宣誓之後發表一段演說。
但據Reuters引述白宮官員透露，今次Trump唔單止主持儀式，仲會親自為Warsh監誓，打破 近年Fed主席就職嘅慣例。
但先要知道，喺白宮宣誓呢一件事其實係以往嘅常態
1987年，Alan Greenspan（格林斯潘）就係喺白宮宣誓，監誓嘅喺時任副總統George H.W. Bush（老布殊），總統 Ronald Reagan（列根）之後亦有發表演說；
https://www.youtube.com/watch?v=6pdDZJrEy4Q&t=504s
再早啲，Paul Volcker 喺1979年亦於白宮宣誓，但監誓嘅係一位法官，而唔係時任總統...
美國CPI通脹4月受能源價格帶動急升至3.8%
4月嘅美國CPI大升3.81%，遠高於3月嘅3.26%
