最新數據——2026年第三季 美國第三季嘅GDP增長回復強勢，按季增長高達3.4%（經年化）。 如果簡單用Expenditure Approach去理解，主要增長動力就係一如既往咁係美國消費者！ PCE（個人消費開支）對今季增長率嘅貢獻高達2.5個百分點。 之後就到投資，貢獻左近1.7個百分點嘅增長。 咁投資呢回事，就當然要同AI呢個主題扣上。喺多間科企出盡全力喺美國本土興建Data Center（數據中心），呢個過程就產生左好多資本開支，好多呢啲開支都計入GDP中嘅投資，帶動呢個高速嘅增長。 但我地要留意嘅呢啲投資背後有入口抵銷效應（Import Offsets）嘅問題...... 全文分析 → 美國第三季GDP—AI投資巨浪？ 抵銷左囉 （2026年11月1日刊） 有關美國GDP你需要知道嘅係...... Expenditure Approach 一般嘅美國GDP數據分析，都係以教科書有教嘅Expenditure Approach （即開支角度）作為基礎。呢個方法最為人熟悉嘅就係所謂嘅GDP算式，即係GDP = C + I + G + X - M： C 喺美國就係PCE（Personal consumption expenditures），個人消費開支，即係唔係攻府或者企業嘅消費； I...