-
OpenAI最快星期五入紙申請IPO
↓ 內文 ↓
最後更新日： 2026年05月21日
OpenAI最快會喺星期五入紙申請上市，呢個係WSJ引述知情人士嘅報道。
- 咁實際上市時間，OpenAI就希望可以最早九月。
- 高盛及摩根士丹利在內嘅投行正為呢間AI公司處理上市文件。
終於可以申請IPO，好大嘅原因係今個星期OpenAI同CEO Sam Altman成功打贏左Elon Musk話佢地忘記公共利益呢場初心嘅官司。
-
Warsh周五宣誓就任聯儲局主席 傳Trump「破例」親自監誓
↓ 內文 ↓
最後更新日： 2026年05月19日
Kevin Warsh將會喺今個星期五（即5月22日）正式就任聯儲局主席。
- 據Fox News記者Edward Lawrence 周一下午報道， Warsh嘅宣誓儀式將會喺白宮舉行。
近年嘅慣例，新任聯儲局主席嘅宣誓儀式一般係喺聯儲局總部大樓舉行，而監誓嘅會係時任嘅聯儲局副主席。
- 例如 Jerome Powell喺2018年，就係喺由當時嘅銀行監管副主席 Randal K. Quarles監誓；
– Janet Yellen（耶倫）喺2014年2月嘅宣誓儀式亦於央行總部舉行，由理事Daniel Tarullo監誓（咁係因為耶倫本人就係當時嘅副主席，佢嘅繼任人Stanley Fischer要去到同年6月先入局。） - Ben Bernanke（伯南克）喺2006年2月由時任副主席Roger Ferguson監誓；值得留意嘅一點係當時George W. Bush（小布殊）亦有出席，並喺Bernanke宣誓之後發表一段演說。
但據Reuters引述白宮官員透露，今次Trump唔單止主持儀式，仲會親自為Warsh監誓，打破 近年Fed主席就職嘅慣例。
- 但先要知道，喺白宮宣誓呢一件事其實係以往嘅常態
- 1987年，Alan Greenspan（格林斯潘）就係喺白宮宣誓，監誓嘅喺時任副總統George H.W. Bush（老布殊），總統 Ronald Reagan（列根）之後亦有發表演說；
- 再早啲，Paul Volcker 喺1979年亦於白宮宣誓，但監誓嘅係一位法官，而唔係時任總統 Jimmy Carter（卡特）主持就職。
所以，如果真係今次由Trump監誓，都真係算係同近年聯儲局及白宮分離嘅做法好唔同，亦會引發更多聯儲局獨立性嘅疑問。
Tags:
-
美國CPI通脹4月受能源價格帶動急升至3.8%
↓ 內文 ↓
最後更新日： 2026年05月12日
4月嘅美國CPI大升3.81%，遠高於3月嘅3.26%
- 個大故事當然係4月喺伊朗戰事第二個月，油價嘅影響進一步反映喺物價之上
能源價格喺4月嘅按年升幅加速去到17.9%
- 當然如果用按月睇個速度係減左，由3月嘅10.9%回落至3.8%
- 咁係因為油價嘅升幅係類似一次效應，喺戰事嘅初期接近倍增，去到之後嗰個月就窄幅波動為主，所以我地應該主要睇按年數字。
咁扣左能源同食品價格嘅核心CPI就當然係一個比較好嘅「通脹趨勢」指標啦，咁佢個按年升幅「只係」2.75%，明顯好睇啲
- 但同3月嘅2.6%比，都見到一個顯著嘅升幅；
- 用4月嘅按月核心升幅0.376%睇，，就會見到加速好勁喎，咩事！？
呢個你要等我一陣再寫多個post解釋你知….
- 簡單講就係10月政府停止運作對CPI數據嘅一個扭曲嘅修正所致。
- 個大故事當然係4月喺伊朗戰事第二個月，油價嘅影響進一步反映喺物價之上
-
Project Freedom 令戰事重燃
↓ 內文 ↓
最後更新日： 2026年05月04日
星期日Donald Trump宣佈一個名為Project Freedom嘅行動，聲稱會幫助滯留咗喺Strait of Hormuz入面嘅「無辜」嘅船隻提供指引，引導佢哋安全離開海峽。
- 問題就係何為「指引」呢？據WSJ引述白宮官員解釋，包括嘅係同其他國家、船運公司及保險公司作調配工作，例如分享水雷所在位置嘅資訊，共同策劃一啲可以安全航行嘅路綫，但就唔會包括美國海軍護航。
- Trump話呢個「人道」行動會喺星期一啟動。
伊朗喺Project Freedom公佈後都有頗大嘅反應，並重燃戰火。
- 阿聯酋就出左聲明，指責伊朗使用兩架無人機攻擊其國營油公司ADNOC旗下嘅運油船。
- 呢個係停火協議後伊朗首次主動襲擊中東鄰國。
伊朗方面嘅傳媒今早亦指該國曾用兩個導彈向美國戰船作警告
- 但Axios嘅記者Barak Ravid隨即引述引述白宮官員否認事件 。
而美國中央司令部今早又出左個X推，指因為Destroyers級戰船在陣海峽，令兩艘美國旗嘅商船成功駛出Hormuz海峽。但文中無指明戰船提供左咩協助。
Tags:
-
Powell最後議息會議錄4票反對 3地方聯儲局抗議寛鬆語調
↓ 內文 ↓
最後更新日： 2026年04月30日
聯儲局周三公佈政策利率一如預期維持喺3.25-3.75厘不變。但今次嘅票數相當令人震驚：
- 除左理事Stephen Miran繼續投票希望減息，今次要求減25點子；
- 出奇嘅係三名地方聯儲銀行總裁Beth Hammack、Neel Kashkari及 Lorie Logan投反對票，但佢地抗議嘅唔係維持利率不變嘅決定，而係今次會後聲明入面具寛鬆貨幣政策嘅語調。
問題係其實今次個聲明係寫得幾兩邊平衡，最似話可以減息嘅應該係：
In considering the extent and timing of additional adjustments to the target range for the federal funds rate, the Committee will carefully assess incoming data, the evolving outlook, and the balance of risks.
我都係見啲分析員咁理解，話呢個additional adjustments就係……
我嘅見解，就係Powell係最後一次主持嘅會議，俾三位今年明顯較鷹嘅官員熱一熱身，試下可以點投反對票抗衡「減息傾向」……
廣告Powell將留任聯儲局理事 未知留幾耐
Powell公佈會喺主席任期完結得，留喺聯儲局繼續執行2028年1月先到期嘅理事任期
- 會留幾耐，仲係未定嘅，睇下情況再決定。
- 佢話會保持低調，交個台俾Warsh
- 佢重申留任嘅決定係佢認為Trump方面嘅司法攻擊仍在進行，擔心會影響貨幣政策獨立。
- 被問到係咪唔想俾左個理事會大多數Trump，佢只係答今次留任嘅決定係就佢地嘅行動所作出嘅反應，「they’ve left me no choice」。
Tags:
-
Warsh搞掂聯儲局主席確認程序第一關
↓ 內文 ↓
最後更新日： 2026年04月29日
美國參議院銀行委員會以13-11票通過將Kevin Warsh嘅提名確認程序，交予全個參議院審議。
- 呢個完全跟隨共和及民主黨分佈，13名共和黨人，包括之前講左會轉投贊成票嘅Thom Tillis。
- 11名民主黨人則全部反對。
- 按WSJ嘅Nick Timiraos指，Warsh係第一位聯儲局主席喺委員會得到完全跟黨派分佈嘅票數，亦即首次無其中一個黨嘅支持；例如Powell兩次分別得到22-1及23-1嘅票。
路透報道指，目前參議院最快可以投票確認Warsh嘅日期為5月11日，而Powell嘅主席任期5月15日完，應該可以趕及係當日交接。
Tags:
-
阿聯酋將退出OPEC
↓ 內文 ↓
最後更新日： 2026年04月28日
阿聯酋能源部宣佈，將會於5月1日退出OPEC（石油輸出國組織）
- 該國為OPEC第三大產油國，次於沙特阿拉伯及伊拉克
阿聯酋能源部長Suhail Mohamed al-Mazrouei受路透訪問時指，今次決定係基於對現時及未來量產政策細心考量後所作嘅決定
- 被問到有無同沙特溝通呢個決定，佢話無同其他國家提過。
- 佢亦指，因應現時伊朗戰事嘅影響，呢個決定應該唔會對市場帶來太大嘅衝擊。
路透嘅報道特別提及，Trump近年對OPEC頗有不滿，指美國軍事保護中東諸國嘅同時，佢地就透過OPEC夾高油價。
- 而早前，阿聯酋曾向美國財政部提及希望取得美元Swapline嘅支持。
-
加拿大政府將設主權基金 並開放予散戶投資
↓ 內文 ↓
最後更新日： 2026年04月27日
加拿大總理Mark Carney周一公佈，將會成立一個名為Canada Strong Fund嘅主權投資基金。
- 加國聯邦政府會投放250億加元嘅基礎資本
- 而基金將會同私人企業合作，投資喺加國嘅公司及項目，主題可以包括能源、環保能源、戰略原材料、農業及基建。
- 投資回報主要會用於其他投資項目
但Carney喺聲明入面提到，將會開放一個零售投資產品等加國人可以投資入Canada Strong Fund及分享回報。
- 但呢個散戶投資產品嘅細節會喺幾個月後先公佈
周二自由黨政府將會係春季經濟報告入面交待多少少詳情，但實際細節都仲要等多幾個月。
Tags:
-
Warsh應可6月主持聯儲局議息會議
↓ 內文 ↓
最後更新日： 2026年04月26日
隨著周五司法部檢察官Jeanine Pirro宣佈會結束對聯儲局同主席Powell有關聯儲局大樓裝修一事嘅刑事調查，大家嘅目光就放左係參議員Thom Tillis身上
- 因為佢講呢單案一日未結，佢都喺參議院銀行委員會投反對票，令Kevin Warsh主席確認程序停喺委員會呢一步。
好啦，司法部話結案，Tillis信唔信佢地先？ 等左兩日，喺星期日早上終於有答案。
- Tillis 上左NBC嘅Meet The Press節目，正式確定佢會對Warsh嘅確認程序投支持票。
- 而其實銀行委員會喺尋日已經排左期，將於周三投票決係咪俾Warsh嘅提名推進落去，交予全個參議院投票確認。
Tillis喺訪問中指，佢本身都對個「結案」講法有疑問，但過去兩日再三追問司法部，得到明確答覆指：
- 除非聯儲局嘅Inspector General(所謂嘅監察長）向佢地提出刑事轉介，否則唔會對呢件事作出進一步調查。
有見於上次Stephen Miran可以喺短短12日就完成確認過程，所以Warsh應該都好快得到確認
- Powell 嘅主席任期應該係5月23日完結，而因為已經結案，佢之前提出會留任主席嘅條件已經唔存在，所以下星期三（4月29日）會係佢最後一次以主席身份主持議息會議。
- 到6月17日嘅會期，應該就會由Warsh主持。
- 咁依家餘下嘅疑問，就係Powell打唔打算留係聯儲局理事會做埋個理事任期啦。呢點，相信會喺星期三有答案。
Tags:
-
司法部放棄對聯儲局嘅調查
↓ 內文 ↓
最後更新日： 2026年04月25日
司法部檢察官Jeanine Pirro周五喺X上面宣佈，佢會係現階段就對聯儲局同主席Powell嘅調查結案。
- Pirro嘅講法係，佢得悉聯儲局內部嘅Inspector General(所謂嘅監察長，係一個獨立嘅審核機構)決定對聯儲局大樓維修工程作審視，所以佢決定將工程嘅檢視工作交予聯儲局嘅IG，但會要求佢地係短時間完成審視後，向佢提交報告。如果有證據見到聯儲局有不當行為，佢會毫不猶豫重啟調查。
- 即係好得體咁「收皮」。
上次講過，Pirro呢個調查會令Kevin Warsh嘅聯儲局主席國會確認程序受阻，所以就算呢個調查係多次得到Trump口頭上嘅公開支持，近日都傳出唔少共和黨議員對之有所不滿，並向白宮提出替代「調查」方案希望可以令Pirro同Trump可以有「下台階」。
依家個調查結左案，相信參議員Thom Tillis 唔會再特別阻延Warsh嘅確認程序，咁Warsh有望喺五月底接替Powell成為下任主席啦。
-
Trump親信建議俾意大利取代伊朗踢世界盃
↓ 內文 ↓
最後更新日： 2026年04月23日
FT報道指，Trump嘅親信Paolo Zampolli 曾向美國總統及FIFA主席Gianni Infantino建議，不如用意大利國家隊去取代伊朗踢今屆世界盃
- Zampolli 現時嘅「官職」為美國全球合作關係特派大使 ，Special Envoy of the President of the United States of America for Global Partnerships。
- 呢位意大利出生嘅美國商人據Wiki指最顯著嘅功績，除左係開過地產同模特兒生意，就係自稱係介紹Melania 俾Trump認識嘅人。
- Zampolli 對FT承認曾作呢個建議。
報道指引述兩名知情人士指，呢個建議其中一個用處就係可以用作用意大利總理Giorgia Meloni重修關係之用。
- 近日Meloni曾公開批評Trump 對教宗嘅攻擊言論。
伊朗回應FT指，該國仍然係準備參與呢屆美國、加拿大及墨西哥聯合舉辦嘅世界盃。
- FIFA拒絕評論呢個建議，但重申Infantino最近嘅講法，就係「The Iranian team is coming, for sure」。
Tags:
-
伊朗喺Hormuz海峽先後攔截及攻擊三艘貨船
↓ 內文 ↓
最後更新日： 2026年04月23日
忙左兩日無特別追伊朗嘅新聞⋯⋯結果係好多事發生左，但又無事發生過咁多。
- 周二Trump結果都係「無限期延長」停火「協議」，但繼續「封鎖」Hormuz海峽
- Trump方面講嘅係伊朗內部太分裂，要俾啲時間佢地內部協調好一個統一方案再傾。我相信呢個都係事實嘅一部份，當然伊朗最後死都唔派人去和談都係Trump要再延長停火嘅原因。
伊朗革命軍周三喺Hormuz海峽攔截左兩隻想離開嘅貨船，並要求佢地停泊喺該國嘅港口
- 個講法就係呢兩艘船都係「無得到准下航行」
- 兩隻船，一隻（MSC Francesca）係貨運公司MSC旗下嘅貨船，另一艘（Epaminondas）都係由MSC租緊嘅。
- 據Lloyds’ List嘅報道，Epaminondas嘅故事比較豐富。因為Epaminondas被攻擊至駕駛室嚴重損毀，但無人傷亡。而船長報稱佢地係有取得伊朗嘅批准出海，同埋受襲前無得到任何警告。值得留意嘅係，由於船主係希臘嘅George Youroukos，但希臘政府今早回應傳媒時嘅講法都係未能確定呢隻船被伊朗接管左。
- 呢個行動相信係用黎回應早兩日美國海軍分別接管左一隻伊朗旗嘅運油船，同埋喺印度洋登上左另一隻由伊朗出發嘅運油輪。
同樣係周三早上，伊朗方面亦有向另外一隻貨船開火
- Euphoria報稱被攻擊，但並無對船隻造成明顯損壞。
而伊朗外交部發言人Esmaeil Baqaei亦對國營電視台稱，該國仲未決定係咪會今個星期同美國重啟和談。
Tags:
-
Tump又再威脅炸伊朗電廠
↓ 內文 ↓
最後更新日： 2026年04月19日
星期五嘅新聞主題係美伊「同意」Hormuz海峽嘅話，星期六就係伊朗不停再封返個海峽同埋話美國違反停火協議。
- 咁星期日嘅主題，就係Trump威脅伊朗如果星期一唔去巴基斯坦談判，就會炸佢地嘅電廠。
Trump講今次改變諗法嘅原因，就係美國時間星期六早上時間有兩隻船被伊朗開火攻擊，以示海峽並非真係開放
- Trump話咁係違反停火協議
之後佢再講美國嘅談判代表會喺星期一去巴基斯坦再談判
- 如果伊朗唔接受佢地開出嘅「公平而合理嘅」條件，美軍就會「炸晒佢地每一個發電廠」
- Trump重申，今次能源危機美國係有賺嗰個，好多船去緊美國買油云云。
咁今次美國嘅談判代表係邊個呢？
- 據Trump今早同MSN嘅電話訪問，今次只會由 Steve Witkoff同Jared Kusher去傾
- 副總統JD Vance因為「安全理由」唔會出席。
- 不過及後Axios嘅報道引述兩名白宮官員指，Vance係會領導今次嘅談判……
Tags:
-
美國封鎖Hormuz海峽正式開始
↓ 內文 ↓
最後更新日： 2026年04月13日
美國東岸時間早上10點正係美國封鎖Hormuz海峽正式開始嘅時晨。周日晚美國中央司令部出左一個X文，相對詳細咁解釋左封鎖令嘅執行細節：
- 封鎖行動只係針對進出伊朗海港嘅船隻。
- 唔係出入伊朗港口嘅船隻仍會享有喺Hormuz海峽航行嘅自由
- 而封鎖嘅範圍包括所有喺波斯灣及阿曼灣上所有伊朗港口
而據路透今早嘅報道，中央司令部喺周一向船隻發佈左一份指引，講明:
- 個封鎖範圍唔只包括輸油港口及其他港口，而係成條伊朗海岸綫。
- 而違反封鎖令嘅船隻，將會被美國海軍攔截、引導及接管（subject to interception, diversion, and capture）
- 而Bloomberg及後嘅報道指，唔係進出伊朗港口嘅船隻，都有可能需要接受美軍嘅檢查，睇下有無違禁貨物。
- 而送人道物資（如食品藥物等）去伊朗嘅船，都係可以通行，但就要先被搜查。
伊朗革命軍嘅反應，目前就係聲稱若美國執行禁令，咁「波斯灣同阿曼灣上所有港口都唔會安寧」
Tags:
-
和談失敗後 Trump全面封鎖Hormuz海峽
↓ 內文 ↓
最後更新日： 2026年04月12日
Trump星期日早上喺Truth Social公佈，因為星期六嘅談判失敗，佢命令美國海軍即時全面封鎖Hormuz海峽，唔俾任何船隻出入
- 同時，佢話海軍亦會追蹤任何俾過「買路錢」伊朗嘅船隻，然後禁止佢地航行，聲言呢啲船喺海上唔會有好日子過（No one who pays an illegal toll will have safe passage on the high seas）
- 而美國亦會開始清除水雷嘅行動。
- 而佢亦話會有其他國家參與今次封鎖Hormuz海峽嘅行動
呢個政策應該係想用限制石油收入、阻止伊朗海運入口糧食等嘅經濟壓力向伊朗施壓；同時亦希望令伊朗石油嘅買家有更大嘅動力去遊說伊朗妥協。
Tags:
-
美國CPI通脹受伊朗戰事帶動 3月急升至3.3%
-
沙特確認「救命」輸油管受襲 損失約每日70萬桶油流量
↓ 內文 ↓
最後更新日： 2026年04月10日
沙特阿拉伯國有通訊社Saudi Press Agency引述不具名嘅「能源部官方消息人士」確認，該國嘅East-West Pipeline 輸油管設施受襲
- 其中一個泵油設施被擊中，令輪油管損失大約每日70萬桶油嘅流量。
- 個報道入面無講明幾時邊一日同邊埋邊個嘅攻擊，但實際上就係確認尋日FT引述消息人士指，呢個由Saudi Aramco擁有嘅輸油管喺星期三當地時間受襲嘅報道；雖然嗰個報道都無講係邊個國家作攻擊，但就指出同日科威特話受到伊朗一連串嘅轟炸、巴林及卡塔爾都有講到成功攔截左唔少伊朗嘅攻擊；阿聯酋同日亦有受襲。
East-West Pipeline目前係沙特最重要嘅出口石油渠道，因為可以唔經Hormuz海峽，改經Yanbu喺紅海出海。
- 目前沙特用盡呢個輸油管嘅每日700萬桶嘅流量；呢個係之前未試過嘅流量。
- 正因為有呢條油管，據Bloomberg之前統計嘅數字，沙特喺三月仍然可以平均每日出口330萬桶原油，「只係」較正常減少左一半；事實上，330萬桶係個平均數，因為慢慢提升流量，去到上月底已經出口近每日500萬桶重。
- 所以當尋日消息一出，有少少令市場擔心沙特呢條繞道都出事；好在其後消息指油管大致無事。
沙特通訊社亦指出，佢地喺Manifa同Khurais嘅兩個產油設施都被炸中，令兩者各自嘅產油能力都下降每日30萬桶。
- 而喺呢輪轟襲中，亦有一名沙特國民喪命。
Tags:
-
Trump: 聽日死綫都未傾得成 就會炸晒伊朗所有發電廠
↓ 內文 ↓
最後更新日： 2026年04月07日
喺星期一嘅長達80分鐘嘅記者會，最重要呢一個「新」訊息就係Trump講明
- 同伊朗嘅協議入面，一定要包括Hormuz海峽有「free traffic of of oil and everything（原油等可以自由進出）」
- 重申要喺星期二美國東岸時間晚上8點嘅死綫前傾好，否則就會喺星期二晚12點炸晒伊朗每一條橋同每一個發電廠。
無錯，Hormuz海峽又唔再係「無所謂，我地都唔使用」，而係協議必要嘅條件。
- 喺記者會上Trump都話有伊朗嗰邊係有一個「積極」嘅談對手嘅。
Tags:
-
伊拉克運油輪成功離開Hormuz海峽
↓ 內文 ↓
最後更新日： 2026年04月05日
FT同路透都先後報道，一艘載住一百萬桶伊拉克原油嘅運油輪，周日成功使用伊朗嘅指定通道離開Hormuz海峽。
- 目前嘅訊息顯示，呢隻船嘅目的地係馬來西亞。
- 呢個係星期六伊朗軍方宣佈「伊拉克弟兄可豁免於現時Hormuz海峽嘅限制」後第一艘伊拉克運油輪成功離開。
用返之前嘅數據，伊拉克每日經過海峽出口多於300萬桶原油。
-
美國3月就業增長強勁 非農就業大增17.8萬
-
白宮宣佈推100%藥物關稅
↓ 內文 ↓
最後更新日： 2026年04月03日
白宮周四宣佈，以Section 232為基礎向入口專利藥物及原料徵收100%關稅。
- 關稅會喺120日後向大藥廠執行；對細藥廠就會喺180日之後執行。
- 不過今次嘅關稅嘅細節唔少，令個實際關稅會低好多
首先，Generics（仿製藥）同 Biosimilar（生物相似藥）等嘅入口暫時唔受新關稅影響。
然後，由同美國有藥物關稅相關貿易協議嘅國家（包括歐盟、日本、韓國，或者瑞士同列支敦士登）入口嘅藥物，就只需要15%關稅。
- 而英國只需要同美國傾掂個藥物貿易協議，都會可以享有相似嘅低關稅待遇。
不過更加重要嘅係，如果藥廠同白宮簽左返美國設藥廠嘅協議（onshoring agreements ）﹐個入口稅率就會減至20%。
- 如果仲同白宮簽埋所謂嘅「最惠國待遇」承諾（即係同意喺美國嘅藥價唔會高過喺其他主要市場嘅價格），就更加可以零關稅。
據WSJ嘅報道指，美國17間大藥廠有16間已經宣佈左會簽左「最惠國待遇」協議
廣告- 未公開會簽嗰間Regeneron，都話左俾WSJ聽佢會簽啦。
因此，呢啲大藥廠只要投資喺美國設藥廠，就可以享有零關稅
- 報道引述白宮官員補充，本土藥廠投資一定要喺Trump任期內完成。
- 而黎自同美國有相關貿易協議嘅藥廠，只要佢地都作出本土設廠保證，都一樣可以有零關稅
所以WSJ報道話白宮嘅預期，係唔會有任何藥廠最終要俾100%關稅。
Tags:
-
Trump：兩、三個星期就會撤出伊朗
↓ 內文 ↓
最後更新日： 2026年04月01日
Trump星期二下午喺白宮簽左個禁止郵遞投票嘅行政命令後，對記者講「兩個星期內；或者兩個星期；或者三個星期啦」就會由伊朗撤軍。
- 佢話軍事行動嘅目標已經達成，喺伊朗「無野好做架啦」（because there’s no reason for us to do this）
- 政權更變？ 變左架啦。「而政權更變根本唔係我目標。我嘅目標只有一個，就係佢唔唔再有核武。呢個目標成功左啦。」
We have had regime change now. Regime change was not one of the things I had as a goal. I had one goal. They will have no nuclear weapon, and that goal has been attained. They will not have nuclear weapons
Hormuz海峽？唔關美國事架啦，因為其他國家用，美國唔用架。
- 「中國等其他國家，佢地可以送佢地啲船入去個海峽，裝滿油然後出到黎架啦。佢地搞得掂架啦」
What happens to the strait? We’re not going to have anything to do with because these countries, China, China, will go up, and they’ll fuel up their beautiful ships, and they’ll leave and they’ll take care of themselves
- 呢個同佢星期二較早時間同New York Post講Hormuz海峽「自動」就會開返同一個方向。
Tags:
-
歐元區3月通脹初值急升至2.5%
↓ 內文 ↓
最後更新日： 2026年03月31日
尋日講左德國嘅3月通脹初值開始見到能源價格抽升嘅影響，咁同樣嘅情況當然亦可以喺星期二公佈嘅歐元區HICP通脹數字見到：
- 歐元區整體通脹3月初值升至2.5%，比2月嘅1.9%按升升幅高6個百分點。
- 3月嘅按月升幅亦高達1.2%
- 能源價格喺3月嘅單月升幅高達6.8%。
- 如果扣除食品、能源及煙酒嘅核心通脹率就其實係回落左少少，去到2.3%。
-
兩艘被打回頭嘅中遠洋貨輪出到Hormuz海峽啦
↓ 內文 ↓
最後更新日： 2026年03月31日
喺Patreon度提過上星期有兩隻中遠洋嘅貨輪想用伊朗嘅特許通道離開Hormuz海峽
- 海運數據商Marine Traffic喺星期五就係X話有兩隻中遠洋（COSCO）貨櫃船明顯喺Hormuz海峽被打回頭。
- Lloyd’s List都有相關嘅報道，指今個星期先後有四隻船被打回頭，但未知原因；文中引述左分析員估，可能就係通關文件唔齊所以過唔到。
星期一最新嘅消息係呢兩艘船成功離開呢個海峽
- Bloomberg報道指，呢兩艘船係伊朗戰事開始之後首次有貨櫃船成功駛離海峽；但報道亦指，以船隻水位估算，船上貨櫃係無貨嘅。
- Argus Media嘅報道指，兩艘船嘅定位訊號去到伊朗嘅Larak島左近就熄左，再開返時就已經出左個海峽。
好啦，呢兩隻船出到Hormuz有咩意思呢？
- Argus報道指，自星期六以黎大約有15隻船離開到個海峽，當中包括兩雙巴基斯坦旗嘅運油船。
巴基斯坦外相Ishaq Dar星期六出左個X推文，話伊朗同意俾20首巴國旗嘅運船通過海峽，仲tag左副總統JD Vance及國務卿Rubio等，呢個之後仲俾Trump cap左圖喺Truth Social「轉發」
相信呢個就係Trump之前話伊朗送俾佢嘅「大禮」？廣告咁到底包括呢兩隻中遠洋船在內成功逃出海峽嘅船隻，係咪真係大禮？而啲禮又送左俾幾多家人呢？ 呢個值得再觀察下嘅。
Tags:
-
德國見高油價影響 3月急升至2.7%
↓ 內文 ↓
最後更新日： 2026年03月31日
伊朗戰事嘅影響，開始可以係歐洲嘅通脹數字度見到架啦。
- 德國統計局周一出左3月CPI通脹率嘅初值，按年升幅由2月嘅1.9%急升至2.7%。
- 單月升幅就高達1.1%。
能源絕對係主要原因
- 能源價格嘅年升幅係急升至7.2%；2月仲係跌緊1.9%，而2023年12月以黎第一次見到能源有按年升幅。
呢度講緊嘅係德國自己嘅CPI
- 如果用黎計歐元區整體嘅HICP版本通脹率更高，升至2.8%（按年）；按月升幅為1.2%。
-
英國柴油供應或五月用盡
↓ 內文 ↓
最後更新日： 2026年03月30日
呢新聞令我有少少意外；FT引述一個不具名嘅能源交易員指，如果伊朗戰爭持續，英國嘅柴油供應有機會喺五月中就會用盡國內柴油供應。
- 報道都引述左另一個無開名嘅業界人士指同意呢個柴油耗盡期嘅估算，但亦補充指高油價可以令駕駛人士入少啲油，可以令柴油供應用得耐啲。
報道入面值得思考嘅一點，係其實英國由中東直接入口嘅柴油只係佔大約一成，
- 問題係佢四成入口黎自荷蘭及比利時，而呢兩國都係依靠黎自中東嘅原油去提煉柴油，所以就算表面上供應來源好多元，但最後一樣都係受影響。
- 交易員指，如果Hormuz海峽繼續停運多兩個星期，英國每月嘅柴油入口量就可能會跌四成，難以持續應付需求。
呢度亦都令到我諗左陣，英國係咪仲好多車用柴油架呢? 去左英國DVL睇左啲數據，原來去到上年第三季，仲講緊個佔比高達38%：
各車型柴油車佔比
車型 (Body Type) 柴油車數量 (千輛) 總車輛數量 (千輛) 柴油車佔比 (Share of Diesel) 巴士及旅遊巴 (Buses and coaches) 133.7 144.4 92.59% 私家車 (Cars) 10,268.4 34,486.3 29.78% 重型貨車 (Heavy goods vehicles) 533.5 540.1 98.78% 輕型貨車 (Light goods vehicles) 4,623.2 4,909.3 94.17% 電單車 (Motorcycles) 0.7 1,476.3 0.05% 其他車輛 (Other vehicles) 630.8 876.3 71.98% 總計 (整體) (Total) 16,190.3 42,432.7 38.16% -
Playstation 5下周全球加價
↓ 內文 ↓
最後更新日： 2026年03月27日
Sony宣佈將於下星期四起（4月2日），調高Playstation 5全球價格
- 新聞稿只係例出美國、英國、日本及歐洲價格
美國價格
- 基準版本嘅Playstation 5會由549.99美元加到去649.99美元
- PlayStation 5 Pro就由749.99美元加到去899.99美元，加幅達150美元
英國嘅話
- Standard版本嘅Playstation 5會由479.99鎊加到去569.99鎊
- PlayStation 5 Pro就由699.99鎊加到去789.99鎊
Tags:
-
伊朗拒絕與美國和談
↓ 內文 ↓
最後更新日： 2026年03月25日
伊朗嘅半官方媒體Fars News Agency引述知情人士指，伊朗無意同美國和談
- 知情人士話，係現時嘅環境考慮停火或者和談並唔合理
- 雖然過去五日美國努力透過中間人斡旋，但對伊朗黎講，同一個會違反協議嘅對手商討停火，係毫無邏輯可言。
- 該國正集中精力去抗敵及達成佢地嘅戰略目標，應為呢個先係「終止」戰爭嘅途徑，而非停火協議。
-
美國伊朗和談愈吹愈似就快成真
↓ 內文 ↓
最後更新日： 2026年03月25日
星期二嘅伊朗戰事新聞主軸其實都係美國同伊朗「議和」呢件事
1） 依家比較明確嘅一點，係所謂嘅美伊對話，係講緊經過一班好想佢地停手嘅中東周圍國家做中間人，為兩方傳話同斡旋，睇下有無空間可以傾到計。
- 啲中間人都好努力去促成星期四舉行和談，例如巴基斯坦總理Shehbaz Sharif就主動喺X tag左Trump同埋伊朗外相Seyed Abbas Araghchi，與及美國嘅中東特別顧問Steve Witkoff，話巴國可以負起舉辦呢個和談嘅責任。
2） 而多個傳媒都指美國草擬左一個15點停戰計劃，並經中間人交俾伊朗；據知內容主要就係而求伊朗停止一切核武開發，並唔可以再係伊朗境內進行任何鈾元素提煉等，而伊朗就得到美國解除同核武相關嘅制裁等；
- WSJ嘅描述就係同開戰前談判時所提出嘅內容相似。
3） 然後Telegraph 就引述消息人士指，伊朗方面指明唔想同Steve Witkoff與及Jared Kushner再作任何談判，因為開戰前就係同呢兩個人傾傾下就受襲，覺得呢兩個係「背信棄義」嘅小人
- 而佢地要求改與副總統JD Vance 傾。
- 岩岩Axios就出左條報道，引述白宮方面嘅消息話其實係Witkoff推薦改由Vance出面，因為相伊朗覺得佢唔係強硬派咁囉
4） 最重要嘅一點，當然係Trump下午為左證明和談氣氛良好，就對記者話伊朗送禮物俾佢，同能源運流有關，不過就唔講實際上係咩住。
廣告不過最後都仲要補充一點，美國仍然調派軍力去中東地區，今日國防部長Pete Hegseth都同記者講：「我地同轟炸行動黎談判嘅」（We negotiate with bombs）。
Tags:
-
伊朗嘅200萬美元Hormuz海峽「買路錢」制度
↓ 內文 ↓
最後更新日： 2026年03月25日
今日好幾個報道都引述無開名嘅海運相關人士報道指，伊朗有一個買路錢制度，部份受困於Hormuz（荷莫茲）海峽嘅船隻，支付高達200萬美元去確保可以「一路順風」。
- Bloomberg嘅報道指，目前呢個「保護費」安排其實仲未係好制度化嘅；一啲細節例如用咩貨幣俾錢等都係唔太清晰，支付安排亦要盡量低調，而且邊啲船可以有資格俾錢「過路」都係睇伊朗方面嘅決定。
- Argus Media 亦引述伊朗官員指，設立呢個200萬「買路錢」係因為「打仗要用錢」；報道亦講到，無人知呢200萬包嘅係單程定來回航運。
其實早喺22號，伊朗嘅議員Alaeddin Boroujerdi喺當地電視台公開講過話「伊朗有權收取200萬美元」，似係證實有呢個安排。
- 之後好快伊朗駐印度大使就出左個X推文話呢個只係議員嘅個人意見，非官方立場。
而FT今日亦報道指，伊朗向International Maritime Organization呢個聯合國海運安全組織發信，指「非敵對船隻」（non-hostile vessels）係可以喺伊朗當局安排下安全通過Hormuz海峽。
- 不過信中都講明美國同以色列，及其他有份侵襲伊朗嘅國家相關船隻就免問啦，因為佢地唔會保障呢啲船可以「出入平安」。
- 而FT嘅報道都有提到有船隻俾左200萬買路錢。
-
Trump: 同我和談嘅唔係伊朗最高領䄂
↓ 內文 ↓
最後更新日： 2026年03月23日
大約東岸時間9點45分左右Trump出左黎見記者，就有關同伊朗嘅「和談」作出左唔少重要嘅補充。
- 佢地接觸嘅談判對手並唔係伊朗最高領袖Mojtaba Khamenei，因為都無人見過佢唔知佢係生係死嘅。
- 佢地接觸嘅係一位喺伊朗政府入面「廣受尊重」（the most respected）嘅人物；被問到佢個名嘅時候，Trump唔講，話唔想佢俾人殺。
- 佢指出係伊朗方面主動打俾佢，唔係佢打俾人地。
- 最後佢話到Strait of Hormuz之後可能會係「共同控制」（Jointly controlled）；邊個共同控制呢？Trump話：「可能係我同埋佢地嘅最高領袖」（maybe by me the Ayatollah, whoever he is）
Tags:
-
Trump稱與伊朗和談進度良好 伊朗回應指……
↓ 內文 ↓
最後更新日： 2026年03月23日
今朝最大嘅消息就係Trump喺Truth Social出左個post，宣佈因為過去兩日美國同伊朗進行「有建設性」嘅全面戰火和談，所以佢會延遲轟炸伊朗發電設施嘅行動五日
- 佢話談判會喺今個星期繼續
- 原本個威脅係東岸時間星期六嘅下午7:44分計，48小時內要伊朗重開Starit of Hormuz，否則就炸發電廠。
I AM PLEASE TO REPORT THAT THE UNITED STATES OF AMERICA, AND THE COUNTRY OF IRAN, HAVE HAD, OVER THE LAST TWO DAYS, VERY GOOD AND PRODUCTIVE CONVERSATIONS REGARDING A COMPLETE AND TOTAL RESOLUTION OF OUR HOSTILITIES IN THE MIDDLE EAST. BASED ON THE TENOR AND TONE OF THESE IN DEPTH, DETAILED, AND CONSTRUCTIVE CONVERSATIONS, WITCH WILL CONTINUE THROUGHOUT THE WEEK, I HAVE INSTRUCTED THE DEPARTMENT OF WAR TO POSTPONE ANY AND ALL MILITARY STRIKES AGAINST IRANIAN POWER PLANTS AND ENERGY INFRASTRUCTURE FOR A FIVE DAY PERIOD, SUBJECT TO THE SUCCESS OF THE ONGOING MEETINGS AND DISCUSSIONS. THANK YOU FOR YOUR ATTENTION TO THIS MATTER! PRESIDENT DONALD J. TRUMP
呢個消息當然對市場有好強嘅提振作用，期油馬上大跌，跌到低過100美元關口……但之後又回升返……
咁係因為之後伊朗方面經半官方通訊社Fars News Agency去否認同美國有任何直接或間接談判。
“There is no direct or indirect communication with Trump,” Iran’s semi-official Fars news agency reports, citing an anonymous Iranian source.
廣告到底邊個先真呢？ 咁就還看下回分解啦。
Tags:
-
Trump: 伊朗戰事差唔多可以收兵 但Hormuz就唔再理啦
↓ 內文 ↓
最後更新日： 2026年03月21日
美股收市後，東岸時間下午5:13左右 Trump 發左一條對金融市場有少少提振作用嘅Truth Social 貼文。重點有兩個，金融市場主要係鐘意第一個
首先佢話「我地非常接近達到我地嘅戰事目標，而我地可以考慮鳴金收兵啦」
- 佢提出左五個理解點解可以收兵，但佢贏又好唔贏又好，市場都係當TACO架啦。
We are getting very close to meeting our objectives as we consider winding down our great Military efforts in the Middle East with respect to the Terrorist Regime of Iran
「大家可以回家了」嘅五個原因：
(1) 徹底癱瘓伊朗嘅導彈能力、發射器，同埋所有相關嘅設施。
(2) 摧毀伊朗嘅國防工業基礎。
(3) 殲滅佢哋嘅海軍同空軍，包括防空武器。
(4) 絕對唔容許伊朗有任何機會接近擁有核武能力，並且確保萬一發生呢種情況，美國隨時都可以迅速而且強力咁作出應對。
(5) 以最高級別保護我哋喺中東嘅盟友，包括以色列、沙特阿拉伯、卡塔爾、阿聯酋、巴林、科威特等等嘅國家。但第二點都好值得大家留意，就係話「Strait of Hormuz（荷莫茲海峽）如果需要有人保護同維持秩序嘅話，就唔到美國負責啦；我地都唔需要用呢個海峽，留返俾需要用嘅國家去做啦。」
廣告- 「如果佢地有需要囉，可以問美國幫手架」
The Hormuz Strait will have to be guarded and policed, as necessary, by other Nations who use it — The United States does not! If asked, we will help these Countries in their Hormuz efforts, but it shouldn’t be necessary once Iran’s threat is eradicated. Importantly, it will be an easy Military Operation for them.
到底，係咪真係TACO收手，而Strait of Hormuz又真係繼續塞住，而又完全唔影響到美國呢？我都好想知。
Tags:
-
報道指軍方正積極為Trump籌劃伊朗地面作戰計劃
↓ 內文 ↓
最後更新日： 2026年03月21日
美國CBS電視台引述幾位消息人士指，國防部正為Trump籌劃詳細嘅伊朗地面攻擊行動，為Trump提供更多作戰選項。
- 消息人士講嘅計劃內容包括捉到伊朗士兵及其他武裝組織份子之後嘅處理程序，例如送去邊到囚禁之類。
白宮發言人Karoline Leavitt回應CBS指，為總統籌備有咁多得咁多嘅選項，係國防部嘅工作，並唔反映Trump已經就地面作戰作出任何決定。
早少少時間，Axios引述四名知情人士指Trump政府正考慮用地面行動奪取伊朗 Kharg Island 嘅全面控制權。
- Kharg Island 係處理九成伊朗石油出口嘅運輸重地。
- 其中一個消息人士係咁解釋個策略嘅：「我地需要大約一個月嘅擊炸去削減伊朗軍力，然後奪取呢個島嘅控制權，咁我地就可以捉住佢地嘅把柄（get them by the balls）再作為談判籌碼。」
當然啦，地面作戰嘅問題就係美國士兵嘅殺傷一定會較現時高空擊炸為多，咁國內政反彈又會大啲。
Tags:
-
伊朗轟炸行動令卡塔爾天然氣基地大減17%產能
↓ 內文 ↓
最後更新日： 2026年03月20日
卡塔爾能源公司 QatarEnergy CEO Saad al-Kaabi 同路透做嘅訪問好值得一睇，因為佢入面描述左伊朗嘅周三對該國嘅天然氣生產設備嘅攻擊，會造成幾嚴重嘅長遠影響。
- 講緊嘅係佢位於Ras Laffan工業區嘅生產基地，佢係全球最大嘅天然氣生產設施；呢個設施其實早喺月初就因為嘅無人機襲擊而停產當中。
- 但周三嘅導彈襲擊，就令到14條LNG train（天然氣生產綫）入面有兩條被毁，而兩個天然氣液化設備（gas-to-liquids facility）入面亦有一個受損。
- Kaabi嘅講法係，今次嘅損毀程度，將會令呢個天然氣基地嘅產能大減17%（約每年1.28噸），影響仲可能會持續三至五年。
佢仲話會用「不可抗力」（force majeure）為由，開始取消同意大利、比利時、南韓及中國等地年期長達五年嘅長期供氣合約。
要知道呢個Ras Laffan生產基地係卡塔爾同埋運經Strait of Hormuz（荷莫茲海峽）嘅天然氣主要嘅生產地；卡塔爾佔全球天然氣供應嘅五分一左右，亞洲多國包括中國、印度、台灣南韓等都係入口佢嘅天然氣（見下圖），如果產能長期受損，對天然氣市場同埋呢批入口國嘅影響可以好大。
-
英倫銀行9-0贊成維持利率不變
↓ 內文 ↓
最後更新日： 2026年03月19日
伊朗戰爭造就嘅其中一個「奇景」—英倫銀行喺今次議息會議以9-0嘅票數一致同意維持利率喺3.75厘不變。
- 要記得2月嘅會議，同樣都係決定維持利率3.75厘不變，而當時嘅票數係5-4。
- 仲要係當時投決定性一票嘅行長Andrew Bailey講明見到有未來減息嘅空間。
聲明講到戰爭令能源及其他商品價格大升，將會令英國居民要面對能源開支及其他因營商成本上升而帶黎嘅物價增長。
- CPI 通脹率短期內將會因為呢個supply shock而上升至更高水平
- 但英倫銀行會監察所謂嘅second-round effects（次輪效應），即薪酬及價格因為今次戰事而出現嘅調整。
- 都係嗰句央行都會講嘅對白：「準備好出手去確保通脹率喺中期會維持喺佢地嘅2%目標」。
不過，佢地都講到如果無打仗，本土物價及薪酬都見到升勢持續放緩嘅情況。
廣告 -
Powell將會留任聯儲局主席（直至……）
↓ 內文 ↓
最後更新日： 2026年03月19日
喺議息會議後記者會，聯儲局主席Jerome Powell終於就主席任期完結後嘅去留作進一步嘅解釋。
1） 如果到5月主席任期完結都未有新主席就任，佢會留任聯儲局理事會主席之位。呢個係Federal Reserve Act入要要求嘅情況。
2） 就算有新主席，只要司法部對聯儲局同佢嘅調查一日未完全完結，佢會留係聯儲局做理事。
3）如果調查完結左呢？ Powell話：「我未有決定。」
Tags:
-
加拿大央行維持利率喺2.25厘不變
↓ 內文 ↓
最後更新日： 2026年03月18日
加拿大央行喺今日聯儲局之前議息，結果係一如預期維持利率喺2.25厘不變。
聲明入面提到，加國嘅第四季經濟增長較佢地之前預期為低，並相信呢個情況會喺短期內持續。
- 同一時間，去到2月嘅通脹走勢明顯放緩，核心通脹數據都去到同佢地嘅2%目標接近
但當然，伊朗戰爭令油價上升嘅問題，係令到加央行對通脹回升有所憂慮嘅
Governing Council decided to maintain the policy rate at 2.25%. With recent data pointing to weaker economic activity and uncertainty elevated, risks to growth look tilted to the downside. At the same time, inflation risks have gone up due to higher energy prices
而係記者會講稿，行長Tiff Macklam講明戰爭帶黎嘅通脹壓力，佢地短期內會「look through」（當透明），但如果油價長期維持係高位，佢地可能會出手壓低通脹。
廣告總結
感覺係喺未有伊朗戰事前，其實加央行似係會長時間維持利率喺2.25厘呢個水位，但傾向係會減息多過加息，因為始終今年會有USMCA貿易協議談判呢個陰霾；只係油價問題依家令佢地要要慢慢諗過。
-
美國PPI通脹過熱 2月升2.9%
-
美國證監將資詢季度業績「自願」制度
↓ 內文 ↓
最後更新日： 2026年03月17日
WSJ報道引述兩名知情人士指，美國SEC（證劵交易委員會）正準備就只規定美國上市企業作半年度業績公佈，現時規定嘅季度業績報告安排將會變成自願。
- 個建議最快會係下個月出台，並會有最少30日嘅資詢期。
- SEC正同各大交易所嘅官員溝通，探討改制會需要更改邊啲法規。
Tags:
-
Trump狠批法官否決對Powell嘅傳召
↓ 內文 ↓
最後更新日： 2026年03月16日
Donald Trump終於出口評論聯邦法院裁定，司法部對聯儲局及其主席Jerome Powell嘅大部審團傳召無效一事。
好明顯嘅係佢非常不滿呢個判決，而個Truth Social 貼文嘅主旨係法官針對共和黨：
- 「點解Powell做得咁差都唔可以查佢」！
As an example, how is this absolutely terrible Federal Reserve Chairman, Jerome “Too Late” Powell, not even allowed to be investigated for the horrible job he does?
- 「咁超支法根本Powell同承建商都要被狠狠調查！」
A money pit, and embarrassment to our Country for the whole World to see! It is a little project that has been under construction for many years. The Contractor on the job, along with Powell, should also be heavily investigated, in that it is impossible for a “professional” to have such enormous Cost Overruns.
- 「但呢個TDS法官James Boasberg竟然用我對Powell嘅批評黎閙返我！」
I strongly criticized Jerome “Too Late” for his horrible performance throughout his tenure, which is either gross incompetence, total dishonesty, or both, and, in return for this well justified criticism, get viciously and wrongfully blamed by, as usual, a Wacky, Nasty, Crooked, and totally Out of Control Judge, named James Boasberg, a man who suffers from the highest level of Trump Derangement Syndrome (TDS), and has been “after” my people, and me, for years.
廣告- 「Boasberg喺呢件案同好多其他案件上嘅判決根本唔係法律！係政治！」
What Boasberg has done on the “Too Late” Powell case, and many others, has little to do with the Law, and everything to do with Politics
上次都講過，司法部上訴的話，最大嘅問題係會令Kevin Warsh嘅聯儲局主席提名喺短期內好難獲得通過。
Tags:
-
Trump著力籌組Hormuz同盟護航
↓ 內文 ↓
最後更新日： 2026年03月16日
Axios 引述四名知情人士指，Trump除左正在同其他國家商討合組所謂「Hormuz Coalition」（荷莫茲同盟）去護航通過海峽嘅運油船之外，亦正研究出動美軍進行地面行動去奪取伊朗Kharg Island嘅運油設施控制權。
- 呢個Hormuz Coalition嘅成員國仲未確定
- 但Trump星期日曾與英國首相Keir Starmer商討同盟一事。
Trump喺空軍一號中受訪時講到，佢預計會有大約7個國家參與同盟。
而喺同FT嘅電話訪問入面，Trump亦特別講到佢希望中國會喺佢同習近平3月31日會面前，就開始出手幫助確保Strait of Hormuz 嘅船運出入平安，因為中國絕大多數嘅石油都係經呢個海峽入口。
- 呢個訪問入面另一重點，就係佢講如果Nato盟友唔幫手嘅話，Nato嘅前景會「非常差」（very bad）。
Tags:
-
CNN引述伊朗官員：「啲油用人民幣結算就可以過海峽！」
↓ 內文 ↓
最後更新日： 2026年03月14日
CNN引述一名無開名嘅「資深」伊朗官員指，該中東國家打算開放Strait of Hormuz（荷莫茲海峽）俾少量嘅運油輪安全通過，但條件係船上嘅石油要係人民幣結算。
全文： CNN
Tags:
-
法院判司法部對聯儲局傳召無效 惟大龍凰繼續上演
↓ 內文 ↓
最後更新日： 2026年03月14日
美國聯邦法院判定司法部對聯儲局及該局主席Jerome Powell嘅大陪審團傳召無效。
- 個判詞都好直接，講明覺得今次司法部嘅行動，係向聯儲局施壓以求迫使佢地應總統Donald Trump嘅減息要求。
然後，非常之「震撼」嘅係主理呢單案嘅司法部檢察官Jeanine Pirro馬上開左個記招，大鬧呢單案嘅法官 James Boasberg係「activist judge」（其實應該係譯左翼激進法官），而個判決令Powell可以「bathed in immunity」（呢個應該譯「沐浴喺額免權之中」？）。
- 最重要嘅係佢講明會就呢個裁判上訴。
點解上訴係個大問題呢？就係因為Kevin Warsh嘅聯儲局主席及理事提名，要去到參議院投票之前，首先要過到該院嘅銀行委員會確認。
- 咁目前13:11嘅共和黨對民主黨分佈；而早已經公佈左唔會喺今年中期選舉尋求連任嘅共和黨議員Thom Tillis，喺Powell受傳召嗰一刻就講明，一日司法部繼續呢個「損害央行獨立」嘅檢控調查，佢就唔會投票過過Warsh（或任何新聯儲局主席）嘅任命。咁個票數就卡死喺12:12度
原來見到今日個判決都以為Warsh有望可以適時入到聯儲局理事會同5月就任主席。
- Tillis 亦即時出左個X推文話判決證明呢個檢控調查係「nothing more than a failed attack on Fed independence」（對聯儲局獨立嘅失敗攻擊）
- 仲講明叫司法部唔好上訴，否則只會拖延Warsh入局。
但結果依家決定上訴，好大機會Warsh喺5月之前都入唔到聯儲局，情況相當「有趣」。
廣告Tags:
-
加拿大失業率 2月回升至6.7%
↓ 內文 ↓
最後更新日： 2026年03月14日
加拿大2月嘅就業報告一啲都唔好睇，除左失業率由6.5%回升至6.7%，更重要嘅係就業人數大跌8.39萬人。
再睇細啲，入面係講緊少左10.8萬個全職職位；兼職工作其實係有2.45萬嘅增長。
另一個有趣嘅重點，係用返之前加國央行嘅分類方法去睇啲行業係咪同受美國貿易影響比較大嘅話，2月嘅就業流失主要係集中係同美國貿易相關性較低嘅行業，例如批發及零售、資訊交化及娛樂呢啲比較「本土」嘅行業。
延伸閱讀
廣告 -
美國9月CPI通脹: 3%
↓ 內文 ↓
最後更新日： 2026年03月13日
9月美國CPI通脹數據
整體CPI: 按年升3.01% (8月: 2.92%) | 按月升0.31%
核心CPI: 按年升3.02% (8月:3.11%) | 按月升0.23%按年升幅
好難得嘅美國政府係停止運作期間都出到一個數據。
美國CPI通脹率喺9月由2.9%升到去3%，而扣除左能源同食品嘅核心通脹率則由3.1%跌返去3%。
其實整體升，核心跌，就即係食品同能源嘅問題（一陣再睇下詳細）。按月升幅
按月升幅只係0.3%，係明顯好過分析預期嘅0.4%，亦都明顯低過之前一個月近0.4%嘅升幅。只不過係同去年9月嘅0.23%比較都係高，所以基數效應下個年增長率都仲係升左。按年升幅貢獻分佈
住屋成本喺年增長愈黎愈細係一個長期持續嘅趨勢，亦都唔係太意外。而9月嘅整體通脹升幅加速，就係因為能源價格嘅貢獻（橙色）明顯擴大。但喺關稅年代，我地著眼嘅會係食品同核心貨品（即扣除左食品能源）嘅價格升幅，而呢個正係呢份CPI報告最好睇嘅地方，因為兩者都係無再加速。食品價格貢獻由0.43百分點微微跌到0.42百分點，而核心貨品就0.309百分點，去到0.315百分點，都係近乎不變。
廣告
按月升幅貢獻分佈
按月嘅分佈更好睇，因為明顯見到能源嘅貢獻大增之外，住屋、食品及核心貨品嘅通脹貢獻都細左唔少。唯一係超核心服務（即係扣左能源服務及住屋）通脹貢獻大左少少。服務分類按月通脹率
我近幾個月都頗擔心服務通脹加快，因為貨品食品就話可以用關稅解釋，亦都可以假設佢嘅影響短暫，但服務價格就可能有啲複雜；到底係關稅，定係消費強勁帶動服務價格上升，兩者嘅含意可以好唔同。
服務價格嘅升勢嘅升勢回落，一方面就係今個月見到住屋嘅單月升幅減半（由0.44%跌至0.21%），更顯著嘅係交通服務價格回落。只係醫療服務同娛樂價格回升先令個回落效果無咁明顯。特別係當個升幅有啲交替，令個服務價格嘅升幅都仲算可控。
-
英國通脹9月維持3.8%不變
↓ 內文 ↓
最後更新日： 2026年03月13日
英國9月份嘅CPI通脹率停留左喺3.8%不變，呢個係明顯好過分析員預期嘅4%
通脹率不變嘅背後，係按月通脹率0%。點解9月嘅單月升幅係0%通脹率都唔跌呢？
咁就係因為上年9月嘅升幅都係0%。基數效應下，按年升幅唔再計上年個0，但替換左嘅係今年呢個零，所以無變。（扣除食品、能源及煙酒嘅核心通脹就因為上年有0.08%月升幅，今年0%，所以就見到按年升幅由3.6%跌到去3.5%）
0%按月升幅好似見到啲通脹好轉？如果我地呢個貢獻分佈圖，會見到推低通脹率嘅有交通同埋食品飲料兩大亮點。
廣告
ONS（國家統計局）嘅首席經濟師Grant Fitzner 今日受BBC訪問時就特別提及食品飲料9月嘅0.2%按月跌幅。呢個係自上年5月以黎第一次見到呢個分項錄得按月跌幅，亦因此按年升幅回落到4.5%。Fitzner形容呢個少少嘅回落好似見到一丁點曙光咁。
“And they are still running quite high at 4.5%. But I think the fact that we have seen that steady increase dip a little is encouraging.”
“It is just one month’s numbers so we will have to see what transpires in future months – but nonetheless a small glimmer of hope there.”
交通係一個比較有趣嘅情況，因為雖然佢幫手拉低按月數字，但其實佢喺按年通脹數字入面，係幫手推高個通脹率（下圖灰綫為各分項之前一個月嘅通脹貢獻，而交通喺9月嘅貢獻係大過8月）
咁又係因為基數效應嘅問題，上年9月嘅交通價格跌幅比今年嘅更大。
一個明顯嘅元凶就係機票價格。雖然其實機票價格對整體CPI嘅佔比頗細，但因為佢嘅波幅好大，所以我地會見到嘅係例如交通價格明顯好受佢嘅波幅影響。你睇….. 兩個圖入面嘅按月走勢幾似樣… 只係下邊嗰個講緊20-30%按月變幅…
但我會建議大家再睇多一次上面個按年通脹貢獻圖表，就會見到食品只係其中一個嘅通脹問題，其他好多通脹成因例如住屋成本（包括水電煤）及餐飲開支等，都仲係頗頑固，所以就算食品真係開始轉向，都只係舒緩到其中一個問題。
不過我地亦都見到，點解財相李韻晴 (Rachel Reeves)研究緊要取消電費嘅VAT，因為電費係住屋成本一個重要嘅部份，而住屋成本仍然係通脹最大嘅來源。
-
英國7月CPI通脹率：3.8%
↓ 內文 ↓
最後更新日： 2026年03月13日
今日英國ONS（國家統計局）出左7月嘅CPI通脹數字，結果按年升幅加速到3.8%；核心通脹率（即係扣除能源及食品價格）亦都係按年升3.8%。
Date Jul 25 Jun 25 May 25 Jul 24 CPI YoY 3.80 3.60 3.40 2.20 Core CPI YoY 3.80 3.70 3.50 3.30 CPI MoM 0.10 0.30 0.20 -0.20 Core CPI MoM 0.15 0.37 0.15 0.08 對按年升幅貢獻最大嘅係包括能源價格在內嘅「住屋及水電撚氣」嘅升幅，一個主因仍然係上年4月個電費跌得好多，個基數效應令去年10月同今年4月個升幅對按年數字嘅影響更大。
但就算當呢個電費波動唔存在，食品價格同包括娛樂文化、餐飲酒店及交通在內嘅幾個服務價格嘅按年升幅都仲係幾勁下（見下圖，各個主要分類對按年通脹率嘅貢獻）。
廣告
食品及非酒精飲品價格係一個頗值得留意嘅一項，除左因為同喺英國生活嘅朋友息息相關之外，亦都係英倫銀行上次貨幣政策告入面重點分析嘅一項。幾個重點就係，除左因為入口食品價格有上升壓力（例如可可豆及咖啡豆）之外，本土因素亦包括超市及食品製造業等嘅人工隨著National Insurance 嘅供款提高及最低工資上升等因素而增加，令個食品價格有持續上漲嘅壓力。
同一時間，服務通漲按年計升緊5%，高過英倫銀行預計嘅4.9%。其實英倫銀行近幾個月都試下改用一個扣除四十幾個「較波動」嘅服務業細項嘅服務通漲指數去睇個走勢，而按ING嘅分析員嘅計算個指數係跌返少少嘅，咁都算係好啲嘅消息。
再者，睇返按月升幅個通脹又唔係話真係咁差，只係升左0.1%（核心就升0.15%）。只不過上年7月，個按月升幅係-0.4%，所以只係0.1%嘅按月升幅都仲可以推高個按年數字。
分開個貢獻黎睇，最最最重要嘅只係交通價格。而講到尾就係因為機票價格喺一個月升左30.2%，但ONS 都講到明呢個應該只係一個數據收集嘅時間問題所致，意味之後會「正常」返。
不過，英倫銀行都預計個整體通脹率會升到9月先會開始回落（因為上年10月個電費上升效應會離開個按年數字嘅計算範圍），最多會升到去4%。喺食品及服務通脹轉趨頑固下，英國嘅朋友仲要挨多陣。 -
美國7月CPI通脹2.7%
↓ 內文 ↓
最後更新日： 2026年03月13日
星期二（8月12日）美國BLS（勞工統計局）公佈左7月嘅CPI通脹數字，見到嘅係整體通脹率維持喺2.7%不變，低過市場預期。不過同一時間，扣左食品同能源價格嘅核心通脹率就再升，去到3.1%，高過預期。
通脹壓力黎自邊度
呢個情況我地可以用返近年常用嘅「五大分類貢獻」嘅方法黎分析。可以見到嘅就係，近月嘅按年通脹率入面，食品價格貢獻頗穩定，而住屋開支其實佔愈黎愈少；但核心貨品（扣除食品，綠色）同核心服務（扣除能源及住屋，紅色）嘅佔比愈黎愈大。
近期比較多人留意嘅係核心貨品，我都花多左好多心機去睇，因為呢個就係較直接見到關稅影響嘅一欄，而真係好明顯嘅係，核心貨品喺4月開始成為通脹動力之一，仲要愈黎愈大。但當然，目前核心貨品仲係佔按年通脹率好細嘅比例，咁係因為好多個細項其實都未見到好持續升幅。
6月數據出嗰時好多人講Household Furnishings and Supplies（大約就係家居裝修及用品）嘅價格，似係因為關稅而上升；而呢個項目亦都係7月持續見到升勢，所以成為左一個「關稅推高通脹」嘅佐證。
廣告
但如果睇返佢旗下嘅細項，你會見到個一堆未算係太持續嘅價格升幅。一個好嘅例子係家庭家器：
個按月升幅好顯著咁升左三個月之後，7月突然見到一個好大嘅按月跌幅，令個按年變幅轉返去負數。即係，目前係見到應該同關稅相關嘅價格壓力令貨品價格開始上升，但呢個升勢係零碎咁散落喺唔同嘅地方，有啲仲係持續上升，有啲就小幅上上落落，而整體而言個通脹壓力仲係算細。更重要嘅一點就係，關稅影響理論上會係偏向「升完就無」，係咪會升多幾個月就消散仍然好難講。
當然，一個講法就係好似岩岩被Trump大力批評嘅高盛分析所指，目前關稅主要俾企業承擔（大約六成），但之後就會慢慢轉嫁俾消費者；即係仲有好多通脹壓力未出現係CPI。信不信就大家啦。
最後都要講返，目前最主要嘅通脹壓力都係黎自服務業，特別係交通、娛樂及醫護服務，都仲見到好明顯嘅價格升勢，亦唔係話見到減速嘅情況。
到底呢個服務通脹問題，係反映緊關稅帶來嘅間接成本上升定係消費者洗錢能力仍強，或者係以上各者皆是？ 我目前未有太明確嘅答案。但呢個先係真係左右到聯儲局減幾多厘息嘅重要因素。
-
加拿大7月錄疫情以黎最大就業減幅
↓ 內文 ↓
最後更新日： 2026年03月13日
加拿大喺7月錄得近4.1萬嘅就業跌幅，除左終止左連續三個月嘅就業增長之外，亦係2022年1月以黎最大嘅跌幅。
講啲值得擔心嘅部份先，就係今次嘅跌幅集中係全職嘅就業之上；全職就業見到嘅係高達5.1萬個職位嘅減幅，只係兼職就業增長左1萬個左右抵銷左少少個跌幅。
但你話係咪好值得擔心呢？ 首先一個重點就係失業率係無變，維持喺6.9%。
廣告
咁係因為喺就業下跌嘅同時，勞動人口都跌左。另外，我會覺得所謂嘅三年幾以黎最大就業跌幅雖然聽黎好誇張，但個背景始終係： 1) 近三個月一共錄得9.9萬個就業增幅; 2) 自疫情以黎一直都係就業與人口增長嘅競賽，有負數出現嘅次數較少; 所以單係呢條數我唔覺得太擔心。
但就業市場轉弱嘅情況係頗明顯嘅。一點就係近幾個月加國傳媒好鐘意報嘅青年失業問題，15至24歲人口嘅失業率升到去14.6% — 如果唔計疫情期間的話，呢個係2010年以黎嘅高位。
另一個StatCan提到嘅就係長期失業問題。160萬個失業人口入面，23.8%嘅人係講緊失業超過27個星期，呢個係唔計疫情的話1998年以黎新高。
仲有一點就係，7月嘅行業就業人數升減入面，最多就業流失嘅行業係「資訊、文化及娛樂」及建造業，及其他幾個服務業；反而幾個同貿易較相關嘅行業例如製造業及運輸及貨倉業都有正數增長。我唔敢太武斷作咩判斷，但呢啲可能比較反映現時加拿大嘅本土需求相關嘅行業有啲疲弱。
