最後更新日： 2026年10月10日
Trump政府又再出手「對付」Lisa Cook啦！
➡️ 今次就係成立一個三人白宮委員會去調查Lisa Cook嘅按揭「問題」，有無構成可以免除佢個聯儲局理事職位嘅合理原由。
點解要咁做呢❓
➡️ 就係因為上次最高法院判話Trump「未」炒得Lisa Cook嘅解釋，就係總統同白宮根本無安排過任何程序去俾Cook回應相關指控。
➡️ 依家個做法，就係做返啲法庭話需要嘅程序，做多次大龍凰去試多次睇下炒唔炒得啦
即係，又要搞一大餐……
➡️ 個白宮memo指，委員會將會喺11月5日於白宮舉行一個聽證會，Cook「需要」親身出席
➡️ 而會前三日Cook一方可以提交佢地聲明文書，而會後佢地亦可以喺11月10日前提交另一份聲明。
➡️ 之後個委員會就會對對可唔可以炒Cook向總統作出建議。
廣告
而Cook嘅代表律師Abbe Lowell就發左份聲明
➡️ 雖然佢地覺得呢個委員會同個聽證會嘅成立係已經假定左可以炒Cook，但Cook一方會同白宮作溝通去衡量個委員會係咪只係橡皮圖章。
➡️如果有機會係會中立處理證據，Cook樂意提供證據證明自己清白同埋總統唔可以炒佢。