Economic Policy Uncertainty Index — Econ記者網站嘅Tags

Economic Policy Uncertainty Index （EPU）係一個我介紹過好多次嘅另類經濟風險指標。 三名學者Scott Baker、Nick Bloom及Steven Davis 最初為美國EPU的計算設定，喺10份美國大報之上，找出有多少文章同時有「Economic」及「Economy」呢個代表經濟的字詞；「Uncertainty」及「Uncertain」呢個不確定相關的字眼；並同時有以下任何一個與政策相關嘅字詞，如「Federal Reserve」、「Congress」、「Deficit」、「Legislation」、「Regulation」或「White House」。呢類有「經濟」「政策」「不確定性」嘅文章出現比例，就成為估算經濟風險的替代指標。 EPU指數個基本原則可以用係任何國家，喺2015年時三位學者就已經計算了十一個主要國家的EPU，當中包括中國。 問題係其實當年計算嘅中國EPU只係用一份報紙個樣本，個份仲要係南華早報。Baker等當年嘅想法係擔心中國國內嘅報紙受審查，未必準確。而SCMP係英文報紙，對佢地三位亦較易處理。 浸大經濟學者陸尚勤聯及黄昀最近就制作一個新版本嘅EPU，試改用中國大陸嘅報章作為數據基礎，唔再用SCMP。 要記得浸大陸尚勤教授早已聯同三位金管局的研究員，以相同的方法應用到蘋果、東方及明報等多份主要本地報章，製作左香港版EPU。 今次兩位學者係Wise News 可以拎到114份中國報章，不過佢地同Baker等嘅美國版本一樣，只只集中用當中10份大報喺2000年1月至2018年10月嘅報道作為基礎，製作新嘅中國EPU。 製作方式不變，喺報紙入面搵出「Economic」及「Economy」；「Uncertainty」及「Uncertain」；同一系列與政策相關嘅字詞。當然，係中國就係用簡單字版本黎搵，如下。 新版中國EPU歷年走勢是咁的： 比起SCMP版嘅中國EPU，新版一個優勢係有更強嘅能力推測中國嘅經濟走勢。以下就係假設新中國EPU上升一個standard deviation後，幾個經濟指標預期嘅反應。 可以見到EPU上升預測上證指數（第一行右）短期內會跌3%；GDP（第三行）跌0.1%；仲預測基準利率（第二行左）會下調0.1厘。上述幾個預期效應都係會一季內出現，並會係三至四季後消失。 研究好值得睇嘅一點，係兩位學者點驗證新中國EPU唔太受中央嘅審查問題影響。一個驗證方法係試下用Wise News入面114份報紙，再將入面所有引述左新華社嘅報道拎走，然後製作出一條「去新華社」EPU。 結果發現「去新華社版」同新中國EPU走勢無太大分別，correlation高達95%。 另一個做法，就係按多份中國報紙嘅「偏頗程度」分類，再用「最偏頗」同「最唔偏頗」嘅報紙分別製成兩條唔同嘅EPU。 結果發現，「偏頗程度」同EPU走向無甚關係，不論偏頗程度高低，同新版中國EPU嘅走向都係極一致，Correlation高達93-94%。 新版中國EPU嘅數據，大家可以係 economicpolicyuncertaintyinchina.weebly.com 搵到，有興趣可以去睇下，甚至使用一下呢啲數據。

Tag: Economic Policy Uncertainty Index

中國經濟政策不確定性

甚麼是Economic ...

另類經濟風險指標看Bre...

美國經濟

美國3月零售升幅0.7% 大幅高於預期

英國經濟

英國減得息未？英行銀行官員嘅分歧睇法

加拿大經濟

加央行話減息點解按息反而向上升？

經濟學

世界盃效應 – 德國贏左冠軍，仲可以改善失業問題！

人口老化同Secular Stagnation嘅關係

賄選經濟學　—　用M1找出選舉中有無人「買票」

政府洗腦節目與睇電視習慣— 委內瑞拉的例子