香港政府快啲派錢啊!!! | Econ記者Podcast

由於新一份財政預算案又會係下個月出現啦,唔少香港政黨都開始發表佢地對派錢嘅立場。經過左超過半年嘅抗爭,加上對經濟回落嘅憂慮,好多政黨都一改以往立場,今年轉為支持向市民派現金(或者派消費券)。已經寫左成五、六年倡議政府派錢嘅曾國平(Byron,美國維珍尼亞理工大學經濟系副教授),就係今集就會講見到呢個情況嘅感想。

香港政府快啲派錢啊!!! | Econ記者Podcast

由於新一份財政預算案又會係下個月出現啦,唔少香港政黨都開始發表佢地對派錢嘅立場。經過左超過半年嘅抗爭,加上對經濟回落嘅憂慮,好多政黨都一改以往立場,今年轉為支持向市民派現金(或者派消費券)。已經寫左五、六年倡議政府派錢嘅曾國平(Byron,美國維珍尼亞理工大學經濟系副教授),就係今集就會講見到呢個情況嘅感想。 而…

而係介紹讀物嘅環節,Byron同Econ記者都分別介紹經濟學者 Deirdre McCloskey嘅兩本著作 — Economical WritingWhy Liberalism Works: How True Liberal Values Produce a Freer, More Equal, Prosperous World for All

係《Why Liberalism Works: How True Liberal Values Produce a Freer, More Equal, Prosperous World for All》入面, McCloskey 提倡Liberalism,一種同時反對美國政治左翼同右翼嘅思想。McCloskey 指出,人類經濟發展真正嘅驅動力來自開放自由嘅營商環境,及百姓可以有平等自由嘅權利。佢反對左傾時有出現嘅仇富式嘅社會主義傾向,亦抗拒右翼民粹嘅國家主義。對佢黎講,當政府對社會嘅規管左右較少,及政府主導嘅資源比例愈低,就真正可以發揮人嘅潛能,推動人文發展。不過,經濟學者講「主義」,其實係咪一件好事呢? Byron會係Podcast講下佢點睇。

至於《Economical Writing 》呢本短書係McCloskey嘅一本名作,講嘅就正如書名所述嘅兩件事: 如何寫經濟相關嘅題目,同點樣簡而精咁寫出好嘅文章。Byron話呢本書唔只岩經濟學人睇,其實所有從事學上寫作嘅人,甚至係報紙寫社評專欄嘅朋友,都可以從呢本名作學到有用嘅技巧。

補充一句,係Podcast所講嘅新編版本原來已經出左,大家可以輕易係Amazon買到,個封面係咁嘅:

Econ記者Podcast除左係 Youtube 睇到,依家仲可以係 Apple PodcastStitcherSoundCloud 聽到。
如果各位睇節目有任何建議,快啲留個言講我地知~


Music Credit:
– Bright Side by Evan Schaeffer
– humm ok by Gablé

登記本網Newsletter,就可以不定期收到專業嘅經濟學術及經濟時事討論