英國唔只同歐盟Brexit談判,仲要同其他國家傾保持貿易安排

0
508

英國積極同其他國家簽訂Brexit後嘅貿易安排,重點之一係No Deal Brexit時都要同各國維持現有由歐盟簽訂嘅貿易協議條款內容。


  • 瑞士係2月11日同英國簽訂協議,確保係No Deal Brexit下,都會按現行嘅關稅出入口,唔會加稅。

英國現行有40個貿易協議,係經歐盟同其他國家簽訂;當中涉及71個國家,佔英國貿易11%。

  • 澳洲貿易大臣Simon Birmingham同FT講,係No Deal下會盡快同英國簽署貿易協議,並相信可以係今年內完成。英國係Brexit之前係唔可以正式同澳洲商討貿易協議。

英國同日本嘅貿易商談就陷入僵局,因為日本不滿英方最近大一封書信中「催促」日本喺談判期間,要採納更「靈活」嘅態度。

  • 日本同歐盟嘅貿易協議剛係2月1日開始執行,日本已同意喺英國同歐盟進入兩年嘅過渡期間,會維持現有嘅貿易安排,但喺No Deal下就唔會適用。
  • 日本正要求係未來同英國嘅貿易關係中,要取得較同歐盟現有協議更優厚嘅條件,唔會只係將現有條款「影印」一次。
登記Econ記者Newsletter,就可以不定期收到經濟學術及經濟時事討論文章。
💥新產品💥 Econ記者新設 Telegram Channel 同大家分享宏觀經濟新聞。快啲入去Follow!!

Any Comments?

This site uses Akismet to reduce spam. Learn how your comment data is processed.