英國1月零售
- 按月升3.4%，較12月嘅-3.3%大幅反彈;
- 按年計就升0.7%，亦遠高於12月嘅-2.4%。
唔夠一個月之前，我地就講過因為英國人「將去百貨公司購物、買衫買玩具送禮呢批聖誕消費行為推前左係十一月（例如Black Friday）時進行」，令十二月嘅零售銷費大跌。
- 結果，係急跌之後，零售數字亦隨即係一月反彈。
有趣嘅係，上個月有分析員認為十二月個跌幅太誇張，應該會係之後上調。
- 最後ONS調整嘅結果係將跌幅由3.2%調高至3.3%。
「破紀錄」反彈
上次提到嘅另一點係，十二月嘅跌幅係「衰退級」，因為自數據由1996年開始，只有喺疫情或金融海嘯期間錄得過更大嘅跌幅。
今次嘅大反彈其實亦都係一樣咁誇張，因為除左係瘟疫期間有五個月試過有更大嘅漲幅，分別為:
- 2020年五月至七月
- 2021年嘅三及四月
三個月平均跌幅：0.2%
連同十一月嘅1.5%升幅睇，呢三個月嘅零售量數字相當波動，但如果用三個月嘅升幅去睇，個畫面就「正常好多」，只係跌0.2%
- 由九月開始，英國零售量嘅三個月平均跌幅都係維持係0.8%或0.9%嘅水平，
- 所以最新嘅數字明顯反映消費好轉。
「衰退」後反彈？
ONS係早一日亦都公佈左第四季GDP數字，按季跌0.3%，亦因為連跌兩季而步入所謂嘅「技術性衰退」
其中，居民消費按季跌0.1%，就明顯受到12月嘅零售跌幅拖累。
- 現時零售係年初大幅反彈，係咪意味住英國經濟係今年會慢步回升，都係頗值得留意。
