認同Econ記者內容有價值,不妨直接贊助 - Payapl

教你用Freakonomics來對付張融

0

今個星期唔講經濟環境,轉講故事。故事出自經濟學科普書Freakonomics新出第三集《Think like a Freak》。

此書教讀者點應用Freakonomics思考方式來處理日常生活,當中不少故事有趣,其中講述電郵騙案的故事就好值得同各位分享。

Nigerian Scam的經濟邏輯

要數最出名的電郵騙案,一定要提以下一個:

“Dear Sir/Madam

I am one of the officials in the Energy management board in Nigeria. I got your info in a business directory from the Chamber of Commerce and Industries when I was searching for a RELIABLE, HONEST, AND TRUSTWORTHY person to entrust this business with.

During award of a contract to bring electrification to Urban centres, a few of my colleagues and I had inflated the amount of this contract. The OVER-INVOICED AMOUNT is being safeguarded under our custody.

However, we have decided to transfer this sum of money, $10.3 million USD, out of Nigeria. Hence, we seek for a reliable, honest foreign partner. And we agreed that THE ACCOUNT OWNER SHALL BENEFIT 30% of the total amount……”

簡單譯來就係

「你好,我係一個尼日尼亞的官員,我貪污左一筆錢,想搵個外國拍檔俾我存放住啲錢一排,如果你肯做我拍檔,我就會分番三成錢俾你……」

之後佢會要求你提供資料,再之後會叫你俾住少少錢安排匯款嘅野,之後…….

唔好玩啦,拎左你錢仲有「之後」?

係美國這種騙案名為「Nigerian Scam」,即尼日尼亞騙案,原因是騙徒好多時都係會用尼日尼亞貪官作為故事的開端。我相信作為「精明的港人」,你看到以上的內容都會諗:「呢啲騙案連警訊都唔再報啦~個騙徒做咩咁白痴~仲邊有人會中招~」

惟事實係,不但真係有人中招,而研究顯示這「白痴的騙案手法」其實好有效率。


先諗一樣野,點解騙徒要咁白痴,明知用尼日尼亞啲人一睇就知係騙局,但都影用仲用咁多年?

Microsoft Research的研究員Cormac Herley就試下代入騙徒的角度諗:

如果我Send 一萬封騙案電郵﹐有100個人上釣回覆,咁send其他9900封的成本係幾多啊?

近乎係零啊!大佬,封Email連title都唔洗改喎!反而當開始有人上釣,你就開始有成本,最基本就係要付出時間成本。咁樣嘅情況下,假設只會有一個人中計俾錢你,你會想係100個上釣的人入面有一個受騙啊,定係10 個上釣一個受騙呢?

當然係後者啦。

按Herley的分析,「上釣而不受騙」其實就係統計學上的False Positive問題,而對騙徒來說重點是要減低False Positive出現的機會,令行動更有效率。由於電郵騙案本質就是要以白痴(意指唔睇新聞同無咩常識的人)為目標,騙徒為成功「篩選」出「最白痴」的人,最簡單的方法就係用「最白痴的騙案手法」。

老實,如果你連「Nigerian Scam」都信,你就一定係好好騙的!

騙徒用咁簡單的工序就可以找到最好騙的朋友,又何樂而不為?

───────

講完故仔,咁這個同香港有咩關係?

將以上的解釋套入張融、蔣姨姨同愛港力的手法上,你可能會明白點解佢地會咁白痴。由於建制派本身已有一定的親中支持者,所以要增加支持者,其埋手目標群就必定是「非反對派」或無政見的市民,但香港「無政見」的階層相當廣,如何最有效的招攬最多支持者?就是以將近白痴的手法吸引最「無知」的一批。試想一下,建制派要花幾多時間資源才可以說服到一個有獨立思考能力但目前政治中立的人,「親共對香港是最好的」?向這種人埋手簡直是浪費時間啦!

反而用白痴的作為吸引「不講邏輯的階層」,就嘅快捷又方便。基本上,佢地用唔合邏輯的手法行事為的正是向「不講邏輯的階層」埋手,這個階層的朋友有「討厭政治」、「只關心娛樂新聞」、「每日只睇TVB新聞」、「總之就唔可以亂啦」等特徵。對於這類朋友,要佢地全盤認識政局有一定難度,更不要說有「邏輯地思考新聞」。當張融以低成本手法如Whatsapp、Facebook及借建制派人力做街站來招攬這批朋友,其實就有點似電郵騙案手法。

而作為泛民反對派,用講道理同講邏輯的方式來阻止張融招攬這派群眾,well~ 唔係無效,但效用同警訊對打擊電郵騙案的能力一樣,其實反過來幫騙徒提高效率,減少False Positive。

Herley 認為最有效打擊Nigerian Scam的方法是大幅提高騙徒的成本。所以佢提出的方法就是編寫一套程式,會不斷自動回覆騙案電郵,希望制造更多False Positive令騙徒的成本大增。

我地又可以點令張融的成本增加?

無方法~

但我地可以令目標群眾接受張融提供的資訊之成本增加。例如下次大家收到張融的「反佔中」Whatsapp,其實你可以將訊中的反佔中字眼改成「反普選」、「反中央」之類,然後再傳,其實內容都仲會係一致的,但唔熟書的朋友可能會以張融真係反中央的(TVB都係咁報啦!)又或者大家可以係你阿媽同你講佢反佔中時,你答佢「係囉,我都覺得張融成日要佔中好煩!」、「張融拎BNO的,仲唔係勾結外國勢力?」等等。

重點係反張融千萬唔好認真,你求其「派下膠回應」就可以。

實際重點只有一個,就係搞亂佢地的訊息。

登記本網Newsletter,就可以不定期收到專業嘅經濟學術及經濟時事討論