Tag: DSE

聯儲局嘅利率調控政策，背後到底係點運作？ 其實新機制下，加息減息唔再係靠教科書講嘅公開市場操作，而係靠控制儲備利息（IOER）。本文會詳細解釋呢個新機制下嘅運作方法同聯儲局所遇到嘅困難。

QE即係Quantitative Easing 嘅簡稱，中文就譯作量化寬鬆（量寬）。 自金融海嘯後, 多個央行減息去到零息下限，即係名義利率唔可以低過零太多，否則會迫使銀行同居民持有現金，令貨幣政策傳遞失效。所以央行改用利率之外嘅工具黎調控經濟，而QE就係其中之一。

Market Monetarism （譯為市場為本嘅貨幣主義）係自金融海嘯後係經濟學網上討論中，相當流行嘅一個宏觀經濟學術分析框架。就正如佢嘅名稱所述，Market Monetarism係建基於主流嘅Monetarism，但加入較金融市場訊息作為政策指導工具。