英國租樓 — Econ記者網站嘅Tags

英倫銀行嘅研究員係一篇博文分析2023年一個令好多英國人不解嘅情況 — 點解加息加到咁高，又唔見租金跌嘅？ 英國自2021年底開始加息，政策利率由0.1厘加到去5.25厘。 整體通漲雖然都唔係跌得快，但都已經跌返去3.9%。 用英統計局嘅 Index of private rent 計，租金升幅係6.2％，仲要未開始跌。 理論上...... 加息其實理論上真係可以令租金上升。研究員就提出左兩點： 比較多人留意到嘅一點，係加息會令按揭利率上升，部份買樓放租嘅業主面對嘅成本上升；亦有唔少人會因為利息開支過高造唔到按揭買唔到樓，迫住要繼續租，令租盤需求上升。 另一個成因係加息令物業投資者要求嘅回報率上升 — 因為存款利率隨住央行利率上升，如果持有物業嘅回報唔夠高，資金會轉投存款呢類比較安全嘅選擇。 英倫銀行嘅硏究就集中討論第二點嘅情況。要留意，就算假設物業嘅主要回報係租金，租金回報上升唔一定係源自租金增長： 租金銀碼不變，樓價下跌，租金回報都一樣會升。 研究結果 研究觀察貨幣政策係2005至2019其間對英格蘭樓價嘅影響，再推算加息之後租金嘅走勢。 - 方法係先揾出係英倫銀行議息結果公佈後嘅30分鐘，市場對結果嘅「驚喜」程度，再估算出貨幣政策嘅影響力。 推算顯示，租金喺加息後會先走高，升幅仲要持續大約一年先見頂，之後先會慢慢轉成負數。 如果按照返個理論，用租金回報率觀察嘅話，個升幅更為顯著而且會維持更長時間 不過，租金本身只佔回報率升幅好少嘅部份，大部份嘅回報率升幅係黎自樓價跌幅（見下圖右）。 所以，英倫銀行研究員就好樂觀咁總結，加息之後： 租金係會跌嘅! （不過可能要等一年） 樓價都會跌架!

Tag: 英國租樓

英倫銀行解說：加息租金升...

美國經濟

聯儲局：近月通漲未進一步改善惟Powell指加...

英國經濟

英國減得息未？英行銀行官員嘅分歧睇法

加拿大經濟

加央行話減息點解按息反而向上升？

經濟學

歐洲壯年男女唔工作嘅原因係？

人口老化同Secular Stagnation嘅關係

Brexit令英國人少左用現金？

避稅港與它們的特徵