新聞簡報

CNN引述一名無開名嘅「資深」伊朗官員指，該中東國家打算開放Strait of Hormuz（荷莫茲海峽）俾少量嘅運油輪安全通過，但條件係船上嘅石油要係人民幣結算。

美國聯邦法院判定司法部對聯儲局及該局主席Jerome Powell嘅大陪審團傳召無效。 個判詞都好直接，講明覺得今次司法部嘅行動，係向聯儲局施壓以求迫使佢地應總統Donald Trump嘅減息要求。 然後，非常之「震撼」嘅係主理呢單案嘅司法部檢察官Jeanine Pirro馬上開左個記招，大鬧呢單案嘅法官 James Boasberg係「activist judge」（其實應該係譯左翼激進法官），而個判決令Powell可以「bathed in immunity」（呢個應該譯「沐浴喺額免權之中」？）。 最重要嘅係佢講明會就呢個裁判上訴。

加拿大2月嘅就業報告一啲都唔好睇，除左失業率由6.5%回升至6.7%，更重要嘅係就業人數大跌8.39萬人。

美國CPI通脹率喺9月由2.9%升到去3%，而扣除左能源同食品嘅核心通脹率則由3.1%跌返去3%。

英國9月份嘅CPI通脹率停留左喺3.8%不變，明顯好過分析員預期嘅4%

英國ONS（國家統計局）公佈7月嘅CPI通脹數字，結果按年升幅加速到3.8%；核心通脹率（即係扣除能源及食品價格）亦都係按年升3.8%。