英國3月份嘅通漲跌至3.2%，核心通漲亦回落至4.2%
- 不過，兩者都係未如市場預期嘅整體3.1%同核心4.1%通漲水平。
- 按月升幅方面，唔係好知點解咁巧合，不論核心定整體都係同上個月一樣；整體按月升0.6%而核心亦係升0.6%。
整體數字高於預期未必係太大問題，但同時英倫銀行仍然頗重視嘅服務業漲數字亦未如理想
- 服務CPI按年升幅由2月嘅6.1%繼續放緩至6%
- 但英倫銀行之前嘅預測係3月嘅升幅可以降至5.8%；換言之，達標兩個月後追唔到央行嘅預測。
服務業價格受關注，係因為佢預可以反映本土消費情況同人工升幅對通漲嘅影響力。係周二英國統計局亦都公佈左勞動力統計數字：
- 失業率喺2月升左0.2個百分點至4.2%
- 但同時一般人工（即唔計及獎金花紅）增長維持左係按年6%
分析認為呢個組合反映嘅係雖然勞動市場轉差，但薪酬升幅未有隨之急降。
上述幾點都可能令英倫銀行推遲減息時間。
- 不過，英倫銀行行長Andrew Bailey 喺周二指出，英國嘅通漲形勢同美國唔同，美國係較為強勁嘅需求主導；而有證據顯示英國嘅通漲壓力正受控。
現時市場預期係英國應該會係8月或9月先減息。
