英國一月通漲4% 服務業升幅低過央行預期

最後更新日： 2026年03月13日

整體CPI按年升 4% （十二月：4.0%）; 按月跌0.5% （十二月：0.4%）
核心CPI按年升 5.1% （十二月：5.1%）; 按月跌0.9% （十二月：0.55%）

市場預期整體通漲會回升至4.2%，核心通漲反彈至5.2%，結果兩個數字都好過預期。

睇英國通漲，分析員會好重視服務業物價走勢，原因係英倫銀行多番強調服務通漲較反映本土嘅生活成本走勢，亦與薪酬漲幅有更密切嘅連繫。

一月嘅服務業CPI為按年升幅為6.5%，較十二月嘅6.4%高0.1個百分點。升幅反彈，會唔會好大問題？

• 係英倫銀行嘅角度睇，呢個反彈係完全唔需要擔心嘅，因為已經係該行嘅預計之內。
• 按BoE月初發佈嘅Monetary Policy Report，該行其實預期1月嘅CPI按年升幅為6.6%（圖中橙綫）。

換言之，現時嘅漲幅係低過預期。BoE已經預計左服務業CPI會因為Base Effect而係年初反彈，但相信之後會一直回，去到五月同六月就會跌至4.9%。

• 因為去年一月，服務CPI嘅按月升幅為-0.96%，所以就算今年一月跌0.83%，都係高過去年同期，令按年漲幅加速；呢個就係所謂嘅Base Effect。