英國係十二月錄得嘅人工按年升幅為6.2%。
- 升幅喺七及八月嘅7.9%見頂之後持續放緩，
- 但由於通漲率回落得更快，實質人工延續自2022年八月以黎嘅升勢，係12月升到去1.8%。
不過如果計埋獎金，總人工嘅升幅只係5.8%
- 而實質總人工嘅年增幅亦只係1.4%，係七月以黎嘅1.2%-1.5% 水平橫行。
早前講過，英國嘅「勞動參與率」可以用相反嘅Inactivity Rate黎觀察。
- 去到十二月嘅三個月，平均Inactivity Rate 為21.9%，繼續疫情之後走高嘅趨勢。
上圖有兩條Inactivity Rate，紅色為ONS最新公佈嘅數據。
- 橙色呢？ 其實係自去年九月開始，ONS就因為勞動市場調查問卷回應率愈來愈低，要改良調整方法。期間ONS要改以稅局及失業援助嘅數據去補充其估算，出現橙色綫嘅所謂「實驗」數字。
- 今個月開始，ONS就推出一批「半改良」勞動數據，主要係調整左人口分佈比例嘅權重，希望先令數字較有代表性。經完整改良嘅勞動數據仍要等到今年九月先有機會出籠。
紅綫同橙綫比較見到嘅一個壞消息，原先見到嘅Inactivity Rate回落趨勢（橙綫），係改變權重後（嘅紅綫）完全消失左，比率現時仍維持係近22%水平。
