FIMA Repo 會唔會最後變成金管局專用?

上回同大家介紹過金管局點樣用聯儲局嘅FIMA Repo成立一個工具,借美元俾本地銀行。呢個工具亦都係5月7日批出左第一批美元,總數係14億美元

聯儲局自4月6日正式開啟FIMA Repo Facility 呢個工具以黎,其實近乎係無咩央行用過,只係4月8日至4月22日呢兩個星期錄得一百萬美元嘅借款,同係4月29日當日錄得二百萬嘅用量。相信大家都會同意,呢啲都係細得奇怪嘅用量。係截至5月6日嘅一周,聯儲局顯示FIMA Repo嘅用量係零。

FIMA Repo 係放係Fed Balance Sheet data 內,Repurchase Agreement 下嘅Foreign Official一行中。
FIMA Repo係4月6日開始運作,可以見到係4月8日就有有人持有100萬美元嘅相關貸款
係至4月15日嘅呢一周,呢100萬美元嘅貸款出現係全周平均數入面,但就係4月15日個數消失左,即係去到4月15日就已經還左啦。
去到至4月22日嘅一個星期,一周平均數又出現100萬美元嘅貸款,但去到4 月22日就又再消失左。
去到至4月29 嘅一星期,全周平均數係零,但係4月29日當日就有200萬美元借左出去。
去到5月6日嘅一周,使用量相信係零。如果維持呢個情況,下星期嘅數(至5月13日)可能大約會係17億美元,全數金管局批出嘅金額。

換言之,金管局係5月7日借入14億美元再轉借俾本地銀行嘅呢個舉動,相信會係首次有央行用FIMA Repo借入超過十億美元。

上次都講過:「FIMA Repo Facility嘅一個重點,就係佢本身同聯儲局嘅央行貨幣互換協議(Central Bank Swap Lines)唔同,唔係一個主要幫其他國家央行嘅工具。FIMA Repo係借美金俾持有大量美國國債嘅人,亦即係較唔怕無美金嘅國家。呢個工具嘅重點係提供誘引令呢啲美國國債持有人唔好一齊沽出國債,以降低美國國債孳息出現短期波動嘅情況,較似係利聯儲局自己嘅政策。」

例如新加坡就因為有同聯儲局建立Central Bank Swap Line,亦先後借過大約177億美元,仍未到期嘅大約有84億美元,所以就唔用FIMA Repo Facility啦。

登記本網Newsletter,就可以不定期收到專業嘅經濟學術及經濟時事討論