星期三荷蘭公佈將持有Air France-KLM 嘅股份比例增至12.68%,並將會進一步提高至同法國政府持股一樣嘅14.3%,用意係抗衡法國對呢間兩個合營嘅影響力,保障國家利益。荷蘭單方面行動自然令法國不滿,法國總統Emmanuel Macron更要求荷蘭「澄清」立場。

結果,兩國財長今日就此事會面,並開始和解

  • 兩國同意合組工作小組,研究如何加強Air France-KLM嘅管治,同時加強兩國對公司未來營運嘅溝通。
  • 工作小組亦會研究如何確保法荷兩國主要機場 – Charles de Gaulle 及 Schiphol – 未來嘅利益。
  • 工作小組會係6月提交報告。
  • 兩國亦會支持現任Air France-KLM CEO Ben Smith嘅管理及政策。
  • 但要留意,其實荷蘭政府增持一事,市場相當反感,星期三消息傳出後股價大跌12%。現時荷法和解,股即時回升6%。原因係市場其實認為Ben Smith 嘅改革利好公司盈利能力,荷蘭增持可能令改革受阻,被視為負面消息。

    亦要留意,法荷兩國近年係歐盟議題如預算上,已經有意見分歧,法國係Macron主張建立歐盟財政預預算,用以應對經濟波動;但荷蘭就領導多個成員國反對。所以Air France-KLM今次只係兩國爭端嘅一角。

    登記本網Newsletter,就可以不定期收到專業嘅經濟學術及經濟時事討論