Macron: Brexit延期都要有明確目標先得架！

Theresa May講明若英國國會係3月12日否決佢嘅Brexit協議，國會可以決定係咪向歐盟申請延長Brexit期限。但法國總統Emmanuel Macron尋日就強調，歐盟只應該係英國交待到推遲Brexit嘅作用時，先同意延期。

Macron話，如果英國需要多啲時間，歐盟要審視係咪英國有新嘅政策選擇，所以先需要延期；若延期係無明確目標嘅話，法國係唔會接受Brexit延期。

但其實佢講呢番話時，德國總理Angela Merkel係同場，而默姨姨就明顯立場較軟：「如果英國要多啲時間，我地唔會拒絕嘅。我地都想英國有序咁Brexit架。」