Special Drawing Right (SDR) 係IMF於1969年創立嘅「貨幣」,用途是要處理Bretton Woods黃金為本位所衍生嘅問題。

係Bretton Woods體制下,美元係以黃金為錨,而全球各國則主要以美元,或直接持黃金作外匯儲備。問題是黃金供應有限,全球央行要持有外匯儲備支持貨幣幣值,就只好增持美元。係呢個運作下,全球對美元嘅需求愈來愈大,但假若美元供應隨需求增加,就會令美元對黃金嘅價值愈來愈低,出現貶值風險,令佢嘅儲備貨幣功能受考驗,呢個就係所謂嘅Triffin Dilemma。

IMF就係希望推出SDR作為全球儲備貨幣的另一選擇,以幫助解決Triffin Dilemma。IMF係1970就憑空創造出93億個單位SDR,然後按經濟規模向各成員國分派,並為SDR定價: 每個SDR可兌換0.888671克黃金。

可惜,當年全球各國並無採用SDR作為Triffin Dilemma嘅解決辦法,反而選擇直接推倒布Bretton Wood體制。

1971年美元價值不再與黃金掛勾,成為Fiat Money;全球各地則用以浮動匯率制度為主,輔以美元作儲備貨幣嘅新貨幣體系。而SDR則成為無關重要嘅次要儲備貨幣。

理論上,SDR並非貨幣。唔單只因為IMF並無鑄造或印刷任何SDR硬幣及紙幣,更重要是SDR並非任何貨品嘅計價單位,而SDR體制嘅運作不容許各國直接以SDR購買貨品。

SDR嘅真正角色係協助各成員國互相借用儲備嘅工具。每個成員國可以透過外借SDR,從其他國家手中換取外匯。每當成員國用SDR換取外滙,令其SDR持有量低於其分配量,該國就要向借入SDR嘅國家支付利息SDRi,SDRi則由IMF中央制定。係呢個借貸體制下,每個SDR可以換取幾多外滙,亦是由IMF製定的滙率決定。

當然,依家SDR唔再以兌換黃金為本,而係取決於一籃子貨幣。一個SDR是等於0.58美元,加0.39歐元,加11.9日圓,再加0.09英鎊,同埋1人民幣;將四者兌換成美元,就可計算出(撰文時,即係2018年7月底)每一個單位SDR大約可以兌換到1.4美元。(最新嘅價格可以係IMF網站查閱。

--- 全文完 ---
贊助網站本網內容 - 每月30港元 - ✔訂戶登記
如果你睇完覺得學到野或者篇文幫到你,亦請幫幫手Share篇文出去