本文的重點,是要同大家解釋有關聯儲局主席Janet Yellen如果唔連任的一個有趣情境;不過,係講到Yellen之前,就需要先同大家簡單解釋聯儲局的架構及官員任命程序。大家可以放心,相關嘅內容都會係有趣。

相信大家都簡單知道,聯儲局其實有十三間,分別為十二個地區分局,再加上在華盛頓的聯儲局理事會(Board of Governors);本文的重點正是理事會的成員任命機制。

聯儲局理事會有七個席位,這七名理事會直接成為聯儲局公開市場委員會(FOMC)的投票成員;FOMC負責製定訂美國的貨幣政策,每次會議的總投票委員人數為12人,除理事會七位之外,紐約聯儲銀行主席長期取得一個席位,其餘四席就由另外11間地區聯儲銀行主席輪替。可以見到,由於聯儲局理事會在FOMC中佔有大多票數,因此他們的任命對貨幣政策有較直接的影響,所以其任命是要由總統提名再由國會通過才能作實。

上述呢啲可能大家都知道,係時間進入一個較深入的題目。每屆的聯儲局主席就有四年任期,另一方面每個聯儲局理事席位都有長達14年。這個理論上是一個抗衡政治影響的機制,因為主席的任期是四年一任,每次任命是在新一屆總統任期的次年開始,可以想像主席的任命理應會隨總統任命而更變,為平衡這個情況,其他理事就會享有超長任期;總統最多只可做八年,理事的十四年任期確保他們可以比總統「更長命」,不用太擔心政治壓力。

點解十四年?因為七個理事職位,每兩年才有一個職位任期屆滿,所以十四年為一個循環。這其實亦是個抗衡政治壓力的機制,因為總統的四年任內理應只可委任兩名理事(每兩年一個),到他可以委任四個理事,佔去會上多數時,他的總統任期就已經完了,無法以大多數親信操控貨幣政策。

當然,上述都只係理論上,但實際上這個機制並無法成功運作。(註一)但這是之後的討論題目了,現在回到一個更有趣的討論,主席任期問題。

聰明的讀者可能在上文看到一個問題,理事會有七個人,每個人有十四年任期;但又話主席任期只有四年,而主席係七人理事會成員之一喎,即係點?

無錯,呢個正係全文重心。我想講俾大家知嘅就係主席其實同時係一個理事,更準確的講法係要做主席你首先要係一個理事;即係話,主席係同時有兩個任期,首先佢有十四年的理事任期,在此之上佢再有另一個四年的主席任期。

唔明的話,可以睇下Yellen嘅例子

img_0359

佢係2010年開始出任理事會成員,而由於佢接任時取得的是足足十四年的全數任期,所以她其實可以擔任理事直至2024年。其主席任期係由2014年開始,直至2018年為止。係呢個情況下,Yellen的理事任期係遠超主席任期,而我想講嘅就係,Yellen就算無主席做,其實係可以繼續做理事做到2024年架!

但當然,正常情況下主席任期完結而不獲續任,通常都會同時辭任理事之位。但如果Yellen決定唔辭去理事之位,亦係完全合法的,即係Donald Trump隨時要對足Yellen七年。呢度亦帶入一個更深同更有趣嘅問題,就係總統可唔可以炒理事!

不過暫時就寫到呢度,想我再寫就請先share。


註一:這個只是理論層面,現實是理事往往在未滿任期就離職,要留意任期是跟席位而不跟人,所以若一個理事由席位任期開始做五年後離任,其接任人的第一屆任期只有九年。每人只可最多出任兩任,不滿十四年的一任亦當為一任。

The End


如果你覺得本網嘅文章有價值,強烈建議大家係 Google News follow 我地。
Econ記者亦正研發Substack Newsletter,不定期向各位發送我地嘅經濟學術及經濟時事討論文章。
Previous article唔支持FB個Paywall版Instant Article嘅包括……
Next article何謂「完美」的拍賣制度
Econ記者網站新聞團隊(絕大部份時間其實得一個人主理)

留言區

This site uses Akismet to reduce spam. Learn how your comment data is processed.