SLOOS 相關內容 | Econ記者

之前討論過不同年期孳息曲綫反轉嘅衰退預測能力，今次就引述St. Louis Fed網誌講講銀行係孳息曲綫反轉同衰退之間，一個潛在嘅角色。 https://www.stlouisfed.org/on-the-economy/2018/december/inverted-yield-curve-cause-recession 先問一問，孳息曲綫反轉對銀行營運有無影響呢？ 銀行最基本嘅功能係收取存款，再以之作放貸收息。一般而言存款主要以活期存款（即係存戶幾時都可以提款）為主，但放貸時通常都係有頗長嘅還款期（例如按揭，一般都十幾二十年），所以我地都會講銀行係「借短貸長」嘅生意。 同孳息曲綫有咩關係？「借短貸長」之所以有利可圖，某程度係因為孳息曲綫右向上斜，即係長息高過短息，銀行利息收入普遍係較高嘅長息，支付嘅利息開支則係較低嘅短息，一來一回就有利差收入。 孳息曲綫反轉就會令銀行嘅息差收入大減，甚至可能虧蝕。之後可能令銀行減少正常嘅商業貸款運動，令整體經濟投資受拖累，經濟增長減慢。 簡化理論如此，但實際情況係咪咁？St. Louis Fed篇網誌就利用聯儲局嘅銀行借貸要求調查數據（Senior Loan Officer Opinion Survey on Bank Lending Practices, SLOOS），黎做簡單驗證。 首先係10月份嘅SLOOS，就有直接問及孳息曲綫反轉會點影響銀行放貸行為嘅問題。銀行業嘅回應主要係孳息曲綫反轉相信會 1）預視經濟轉差 2）令銀行收入減少 3）銀行因而收緊放貸條件。 上圖就係10年期減2年期孳息曲綫,同埋SLOOS中表示會收緊信貸條件嘅銀行佔比。 可以見到嘅係，1990年以黎三次衰退（灰色區域）收緊信貸要求嘅比例都係急升嘅，而圖表明顯可見嘅係2000年及2008年衰退時，收緊要求係與孳息曲綫反轉（即橙綫見負，睇右軸）同時出現。呢個係同上述理論一致嘅情況。 但值得一提係，到2018年10月報告顯示嘅貸款要求仍然非常寬鬆，未有收緊。到底今次唔同啲？定係衰退不會來？又或者數據只係未反映，最衰時刻仍未到來？ SLOOS係一月會有新一份調查結果公佈，好值得留意。

Tag: SLOOS

點解孳息曲綫反轉會衰退？銀行業係成因之一

Econ記者文章

咩野係New Keynesian宏觀經濟模型？

PPI — 其實呢個數據反映咩野？

「國際清算銀行警告有危機」其實BIS係講咩？

甚麼不是行為經濟學？

甚麼是自然失業率—NAIRU？