Circular Flow Of Income — Econ記者網站嘅Tags

Circular Flow of Income，又或者Circular Flow of Money係經濟學入面一個基礎模型，其中一個用途係解釋收入、貨幣及生產之間關係。 以下就係由Greg Mankiw教科書《Macroeconomics》偷黎解黎Circular Flow概念： 個故事其實好簡單，如果個經濟體入面得一個家庭同一間公司，咁即係如果呢家人要搵工做，佢地只可以幫呢家公司打工；同樣道理，如果呢間公司要賣佢啲產品，佢只有呢個家庭做佢嘅顧客。 咁又點喎？ 上述嘅係產品嘅流向，即係公司買工人嘅生產力、顧客買公司嘅消費品；但其實同一時間，其實係個經濟入面有相等同相應嘅現金流動。當公司買工人嘅生產力嘅時候，公司要出糧俾工人；顧客買消費品時，要向公司支付產能品售價。 即係話，係個經濟體入面嘅總生產價值，必定會有相應現金流動值，而呢個現金流動值又等於工人薪酬加公司老闆嘅盈利相加！ 咁⋯⋯又點喎？ 呢一個生產價值等於現金流總值，再等於總薪酬及盈利嘅概念，其實可以直接應用係正常嘅經濟體之上，亦因此應用左係GDP嘅計算之上。大家記得中學嘅經濟學課的話，會記得GDP有三個計法，分別係Output Approach、Expenditure Approach同埋Income Approach。 Output Approach就係上述嘅產品流總值，咁實際計算方法就係將所有生產過程產成嘅Value Added加埋，因此又名為Value Added Approach。 Income Approach就係將所有人同公司所賺到嘅薪酬同盈利加埋，咁係實際嘅計算之上仲要計入租值（Rent）。 Expenditure Approach就係上述嘅現金消費流動，咁係實際嘅計算上就係將全經濟體係消費（Consumptions）、投資（Investments）及政府（Government）嘅開支，再加上淨出口開支，亦即係 GDPC+I+G+NX 呢條顯明公式。 值得一提，係上面個Circular Flow of Money嘅圖，我地見到總開支總額，亦等同貨幣總量嘅使用次數，即係如果個經濟體有100元現金，而所有居民同公司分別使用左呢批現金1000次，我地可以計到呢個經濟嘅總開支係10萬元。用數式講就係好有名嘅 PY MV ， PY係總開支，M係現金總量，而V就係現金流動次數，而呢個恆等式正是貨幣經濟學嘅重要基礎。

Tag: Circular Flow Of Income

咩係Circular F...

美國經濟

美國首季GDP偏軟但孳息反而上升— 點解呢?

英國經濟

英國減得息未？英行銀行官員嘅分歧睇法

加拿大經濟

加央行話減息點解按息反而向上升？

經濟學

美國女仔都好難嫁得出？

詳解Coco Bond

勞動參與率下降同金融海嘯有幾大關係？

如果你鄰居中左六合彩嘅話……