Bubbles for Fama — Econ記者網站嘅Tags

《Bubbles for Fama》嘅三位研究員雖然指出數據支持Fama嘅講法，即係「泡沬」爆唔爆機會只係一半半，數據未能夠有系統顯示市場無效率，即係泡沬係難以驗證。 不過，研究有另一個好重要嘅結論，就係急升嘅幅度愈高，之後出現急跌嘅機會都會愈高。 下圖就係四種不同回報計法下，升幅回報（橫軸）與之後出現40%跌幅機率嘅關係，係右向上斜，即係升市回報愈高，跌四成嘅機會愈大。 以下係另一個睇法，係唔同過去兩年回報係50%、75%、100%、125%同150%之後，錄得40%跌市嘅比例由20%升到35%，再升到53%，之後76%同80%。 三位學者重申，呢個升幅愈高急跌機率愈高嘅現象並唔必然反映市場無效率。但研究進一步顯示之後會急跌嘅急升，其實係有特徵可尋。呢一堆特徵分別係市場波幅會係跌市前抽高、上市公司平均年齡會下降、市帳率較高同高市盈率等。 以下就係顯示市場波幅會係跌市前抽高嘅圖： 上市公司平均年齡會下降： 市帳率升至較高水平；要留意下圖係Book-to-market ratio，即係市帳率上下反轉： 市盈率愈升愈高： 三位學者就試用上述嘅「泡沬」特徵黎設計一個投資策略：如果行業回報係兩年升左100%同時又出現上述波幅急升等特微時，就將該行業嘅股份出售並轉持risk-free資產。將呢個策略套用係佢地嘅歷史數據上，就可以係「泡沬」後一年賺到7%，兩年賺8%，四年賺17%。 相對而言，如果係果行業回報係兩年升左100%之後繼續持股，一年嘅回報平約係0%，兩年嘅回報係8%，四年則係12%。 換言之，研究數據顯示呢類「補捉泡沬」嘅策略可以創造「額外回報」；呢個就係對市場效率質疑嘅證據，因為投資者有可能分辦會爆同唔會爆嘅「泡沬」，並從中有系統咁取利。

Tag: Bubbles for Fama

股市泡沬考 II

美國經濟

美國首季GDP偏軟但孳息反而上升— 點解呢?

英國經濟

英國減得息未？英行銀行官員嘅分歧睇法

加拿大經濟

加央行話減息點解按息反而向上升？

經濟學

如果你鄰居中左六合彩嘅話……

「資金流出新興市場」實際情況係點架？

想「左膠」變右？其實唔難！

無論通脹幾低居民都係覺得物價升幅高到離譜