央行 — Econ記者網站嘅Tags

3月中BIS公佈左一份有關央行發行央行數碼貨幣 （CBDC ，Central Bank Digital Currencies）可行性的研究 。CBDC並唔只係加密貨幣，而係任何種類嘅電子貨幣，只要係由央行發行，唔理係咪有Blockchain技術支持。BIS將CBDC大致分為兩類，一般零售層面應用及批發層面應用。批發層面，即係作銀行間金融交易、結算用途；零售層面，即是在日常生活交易，好似落街買鎹、入油及去餐廳買單時用；呢個層面上，CBDC直接與同由央行發行嘅現金作競爭。 BIS嘅研究就列出三個採用CBDC嘅好處。 好處之一就是可以防止私人企業管理嘅交易系統獨大，造成嘅潛在金融風險。舉個例，如果全香港九成交易係用支付寶處理，有日支付寶系統故障，或者阿里巴巴及螞蟻金服同時倒閉嘅話，第二日香港嘅經濟運作一定會受到嚴重影響。係呢情況下，若本港有由金管局推出嘅CBDC，支付寶壞機亦唔會對經濟運作帶來太大影響，因為大家可以即時轉用由金管局推出嘅CBDC，唔會有過度依賴單一私人交易系統嘅問題。 但BIS都指出呢個並非採用CBDC嘅足夠理由，因為例金管局不一定要推出一個電子貨幣，實際上該局只要建立一個完善的電子交易系統，支援全天候24小時交易處理便可；該局最近推出嘅轉數快就係一個例子；所以電子貨幣嘅必要性並不明確。 學術上嘅理由就係為左電子貨幣可以加強貨幣政策嘅執行力。電子貨幣同現金唔同嘅地方係央行可輕易向電子貨幣持有人支付利息，簡單電子過戶便可；但要向現金付息的話，可能就要大家定期將手上現金帶到銀行，經銀行職員核對鈔票編號後等一番工序後才可。貨幣有息收又點呢？現行貨幣制度下，美國聯儲局加息後，美國人嘅存款戶口息率未必有得加，因為存款戶口的利率取決於銀行嘅盈利狀況，而央行政策利率只係影響因素之一。 若有CBDC，央行可以輕易向CBDC付息，假設CBDC利率為2厘，銀行存款利率只1厘，之後會發生甚麼事？當然是將所有銀行存款提出來，變成CBDC賺多1厘息。銀行為吸回存款，就只好向存戶支付最少2厘的息率。換言之，央行對居民直接面對的利率有更大嘅控制力。 CBDC亦可為貨幣政策提供一個新嘅可能性，就是負利率政策。現金社會係好難實行負利率的，因為無人會專程拎啲現金去銀行，再向向銀行或央行支付利率？但有CBDC嘅話，央行直接係戶口扣除利息便可。IMF前首席經濟師Ken Rogoff在2016年嘅著作《The Curse of Cash》 ，就有相似建議作倡議廢除大額紙鈔嘅論據，呢個亦可作為CBDC全面取替現金嘅理由。

Tag: 央行

咩係央行數碼貨幣 ...

有關QE的幾個討論

超級央行議息日 R...

美國經濟

美國首季GDP偏軟但孳息反而上升— 點解呢?

英國經濟

英國減得息未？英行銀行官員嘅分歧睇法

加拿大經濟

加央行話減息點解按息反而向上升？

經濟學

人口老化同Secular Stagnation嘅關係

歐元區可考慮針對式通脹目標制度？

Olivier Blanchard解述衰退後遺症（Hysteresis）

反政府抗爭有無用？（一）