僵屍企業 — Econ記者網站嘅Tags

殭屍企業（Zombie Firm），即係一啲已經無咩盈利能力，應該執但又就靠借貸維持「生命」嘅企業。根據BIS（國際清算銀行）研究部門積極推廣嘅Financial Cycle理論，殭屍企業會拖累實體經濟增長，係解釋實體經濟嘅重要一環。 https://econreporter.com/2018/02/77506/bis%e7%9a%84financial-cycle%e4%b8%bb%e5%ae%b0%e7%b6%93%e6%bf%9f%e5%91%a8%e6%9c%9f%e6%95%85%e4%ba%8b/2/ 係最新一份BIS Quarterly Report入面就有一個研究章節，討論殭屍企業嘅源起同影響。 https://www.bis.org/publ/qtrpdf/r_qt1809g.htm 殭屍愈黎愈普遍 以下呢個圖就係研究員Ryan Banerjee同 Boris Hofmann整理嘅殭屍企業比率，兩個圖就係基於唔同嘅殭屍企業定義；左面嘅係將所有利息覆蓋比率（Interest Coverage Ratio）連續三年底於1，而又營運已有十年以上嘅企業定性為殭屍；右邊就再額外加多一個條件，就係間企業嘅Tobin's Q要低過中位數。 其實兩個指標反映嘅情況都相似，就係殭屍企業比率上升嘅趨勢係2000年代已經開始，金融海嘯前有段時間回落，但之後就一路上升。值得留意係圖中藍綫反映嘅殭屍企業「殭落去」嘅機率，都係2000年代以黎一直上揚。以右邊較嚴緊嘅定義計，現時殭屍企業有7成機會下係繼續係殭而不死。 僵屍係如何練成嘅呢？ 學術界通常會有兩個殭屍企業比率上升嘅解釋，一個係銀行嘅穩健程度愈低殭屍企業就愈多。因為如果負債企業倒閉咁借錢俾佢嘅銀行就要為個筆違約貸款入帳，所以銀行就有動機繼續向呢啲僵屍融資落去，維持佢地僵而不死嘅狀況。下圖左就係用銀行嘅PB（市帳率）作為銀行穩固程度嘅替代指標，圖中藍綫係反轉左嘅PB，藍綫愈高PB愈低。可以見到呢個指標同殭屍比率嘅走勢有一定程度嘅正向關係，但唔係完全一致。 另一個解釋就係低息環境令殭屍企業容易取得貸款續命。下圖右就係反轉嘅名義利率走向，可以見到佢同殭屍企業嘅比率走勢相當一致。 據呢份研究指，名義利率係解釋殭屍企業增長上嘅能力，較銀行健康程度更佳。兩位研究員更估算出，自1980年代中期以來先進經濟體嘅利率減左10厘，為殭屍企業比率升幅內17個百分點嘅原因。 成街殭屍又如何？ 殭屍企業橫行嘅問題係，佢地會拖低成個經濟嘅生產力。 上圖就係殭屍企業（紅綫）對正常企業（藍綫）嘅生產力分佈對比，可以見到不論係用簡單嘅人均生產力，或者係較理論化嘅Total Factor Productivity黎計，殭屍企業嘅生產力都係平均低過正常。如果殭屍比率繼續上升，可能會進一步拖累成熟經濟體嘅增長潛力。

Tag: 僵屍企業

殭屍企業 –...

美國經濟

美國首季GDP偏軟但孳息反而上升— 點解呢?

英國經濟

英國減得息未？英行銀行官員嘅分歧睇法

加拿大經濟

加央行話減息點解按息反而向上升？

經濟學

反政府抗爭有無用（二）之 50萬人示威的經濟衝擊

金融業呢啲好野太多反而會拖累經濟？

油價大減但經濟都無甚得益點解呢？ IMF認為……

美式足球對法官判刑嘅影響力