長期病患相關內容

美國就業數據入面，勞工參與率（Labor Force Participation）算係一個頗重要嘅數據，因為有時失業率嘅升跌，係受勞動市場參與人口增減影響多於失業人數變動。 一個有趣嘅問題，睇英國失業率報道時，絕少見到有提參與率。點解呢？ 其實好簡單，因為係英國統計局（ONS）分類入面，呢個「會積極揾工或者工作人口比例」嘅概念，係用另一個數字黎量度 -- Activity Rate。 事實上，ONS每個月嘅勞動力統計報告（LFS）入面，都未必會有直接提及Activity Rate，但一定會報告嘅係佢嘅相反：Inactivity Rate。 Economic Inactivity 嘅定義簡單直接： 16歳以上； 過去四星期無揾工；及/或 之後兩周唔會開始工作 每個月ONS會係LFS入面公佈嘅重點 Inactivity Rate，要留意啦，只係計16至64歳人口。換言之， Inactivity Rate Economically Inactive人口/ 16至64歳人口 而Activity Rate 就係 1 - Inactivity Rate Active人口就再分成Employed （有工返）同Unemployed （失業） 失業、就業及Inactive嘅關係 就業、失業、Inactive三者係ONS嘅勞動力統計報告入面，各自有一個比率，即: 就業人口比率 （Employment Rate） 失業率 同上述嘅 Inactivity Rate 要留意，雖然呢三類人口嘅數量加埋就應該等於英國嘅總人口，但三個比率加起黎係唔會等於100%。 以2024年1月數字為例，就業率為75.8%，失業率4.2%，而Inactivity Rate則為20.8%。 咁係因為ONS公佈呢三個比率時： 就業人口比率同Inactivity Rate都係用16至64歳人口做分母 失業率則用16歳以上Economically Active人口做分母（即Unemplyed/ (Employed+Unemployed)） 分母唔同，就當然加唔埋啦。 疫情後英國Inactivity成經濟憂慮 係Covid 疫情之後，英國嘅Economic Inactivity問題其實頗受關注。因為疫情帶動下， inactive嘅人數同比例上升。就算疫症退減之後，數字都未能夠回落到之前嘅水平。 算唔算係一個大問題？ 真係睇觀點與角度。 其實放長少少睇， 2020年之前英國係2010年代係經歷左十年嘅Inactivity rate 下降嘅趨勢。 2010嘅Inactivity rate係23%樓上 疫情期間，最高都只係21.5%左右 所以目前嘅比例唔可以算係災難性。咁個問題係邊呢？ 英國勞動參與率受長期病患拖低 首先，根據OECD上年七月發佈嘅Employment Outlook 2023，英國為疫情後（2019年第四季至2023年第一季）唯一一個主要經濟體錄得Inactivity rate升幅(下圖GBR為英國)。 點解英國係疫情後，無見到「勞動參與率」升勢呢？ 可以䏲一睇以下由ONS制作嘅圖，詳細睇到Economic Inactivity之下各個分項嘅累積變幅： 由2020年2月至2023年7月，Inactive嘅人口上升大部份係因為「長期病患」人數上升。 長期病患總人數到由2019年初嘅198萬一直升到去年七月嘅260萬人，亦係數據自1992年開始以來嘅歷史高位。 Covid之後長期病患急升，而且一直無回落趨勢 — 呢個故事絕對好吸引到眼球。 再加上過去幾年NHS嘅服務水平愈趨不穩，令到呢個「長期病患」拖累經濟嘅說法，係英國本土更受關注，亦自然成為一個政治爭議嘅題目。 當然，如呢篇《經濟學人》文章指出，愈來愈多人因為長期病患而唔再工作，唔單單係NHS嘅問題，亦可能係同近年政府放寬經濟緩助申請要求有關。

Tag: 長期病患

英國嘅「勞動參與率」

美國經濟

美國10月PCE 通脹率回升至2.3%

英國經濟

英國樓價11月大升1.2%

加拿大經濟

加拿大CPI通脹率十月回升至2%

經濟學研究

反政府抗爭有無用？（一）

通脹預期要點樣量度？

美國經濟增長高峰早已過去 ?— Robert J.Gordon的論述