美國次季經濟增長3% 入口減少為數據關鍵
美國第二季嘅經濟增長初值高達3%（呢個係經年化嘅數字，正常嘅數字就按季升0.734%），呢個增長數字可以話係相當亮麗。
但同第一季一樣，因為關稅政策會明顯對數字造成扭曲，所以好需要打開睇下各個Expenditure Approach嘅細項睇下啲增長喺邊度黎。
美國GDP首季跌0.3%嘅解讀
美國第一季GDP錄得0.28%嘅經年化按季經濟收縮，數據焦點係美國經濟高速增長一段時間後，突因關税預期而出現明顯轉向，入口急增下貿易赤字大增，進而「拖累」整體經濟增長。
