紐約聯儲銀行SOMA主管Roberto Perli今日發表左一篇演說，解讀上月初美國國債市場波動。SOMA全名System Open Market Account，即係負責際執行聯儲局嘅公開市場操作，所以Perli對貨幣市場及聯儲局利率工具有非常深入嘅了解，佢對美國國債市場波動、孳息抽升嘅解讀，可算係聯儲局體系內最具代表性嘅技術分析。
佢嘅判斷係關稅嘅衝擊的確令國債市場流動性大減，但程度上未達危機級別，例如情況就遠預2020年3日疫情第一波對金融市場嘅衝擊為輕。其中一個重點，係關稅問題絕無如初期預計咁引發到basis trade拆倉嘅問題。（我當日都係講有basis trade拆倉問題）
佢嘅解讀係，聯儲局嘅利率控制喺今次發揮正常，喺貨幣市場用國債做repo嘅短期息率維持到喺聯儲局嘅目標之內，咁對冲基金等嘅市場參與者有足夠可以喺正常嘅利率及流動性環境，繼續用美國國債融資及做其他操作，無急住拆倉嘅需要。
因此，個市場雖然波動但仍然可控。
