美國2月PCE通脹率: 2.8%

2月核心PCE通脹反彈至2.8%

美國核心PCE通脹喺2月反彈左0.1個百分點去到2.8%,高過預期嘅2.7%。

整體PCE喺按月0.33%升幅帶動下,按年升幅維持係2.5%。

分析

踏入2025年後通脹壓力明顯有回升,例如可以由按月升幅見到,近三個月都係接近0.3 – 0.4%,而核心通脹更加係直接上升緊。

如果將按月數字分類,會見到一個重要嘅趨勢,係核心貨品(goods excluding food & energy,深藍色) 由過去一年介乎負數或者微微正數,變成一個主要嘅通脹動力來源。同時,扣除左能源及住屋價格嘅服務業物價仍然見到頑固升幅,兩者令整體通脹居高不下。


美國PCE通脹率簡介

美國嘅Bureau of Economic Analysis(BEA,即商務部旗下嘅經濟分析局)每個月尾會公佈Personal Income and Outlays報告,當中除左包括PCE通脹數據,亦會有當月個人消費開支同埋個人收入數據。

PCE通脹率為聯儲局嘅使用嘅通脹指標,將通脹目標則訂係每年2%。而由於食品及能源價格容易波動,經濟師、分析員甚至聯儲局官員都會採用扣除左呢兩類價格嘅核心通脹率黎觀察通脹中長期嘅走勢。

The End


如果你覺得本網嘅文章有價值,建議大家係
Google News ;或 Patreon follow 我地
咁就可以最快咁睇到我地新刊登嘅文章。
Previous article英國春季預算 – 工黨政府與OBR沒完沒了嘅fiscal headroom遊戲