美國首季GDP嘅數據出左第一次修訂，整體經濟增長由上次講嘅1.6%降至1.3%
- 下調主要係源自消費增長數字較首次估算為低，由2.5%減至2%
不過，整體嘅畫面無變
- 上次主要嘅「拖累」因素為入口，令GDP增長低左0.96個百分點；修訂後，入口嘅拖累再高多少少變成1.02個百分點。
但上次都講過，入口都係美國本土嘅消費，不過GDP計嘅只係本土嘅生產/收入，所以呢啲外國嘅生產要由消費數字減返出黎
- 上次講過，Bureau of Economic Analysis 有個叫Gross domestic purchases 嘅數據就係唔理淨出口嘅數字，咁喺預估數字就升2.4%。修正之後，個數字就減至2.1%。
- 不過，其實好多分析，包括聯儲局喺最近嘅一份議息會議紀錄都係用另一個數據去睇本土需求，就係Final sales to private domestic purchasers。呢個數字唔只唔計出入口，亦都唔理庫存改變與及政府嘅消費同投資，可以聚焦係本土消費同埋投資之上。
- 第一次估算話個增長係3.1%，修正之後都仲有2.8%。所以本土需求仍然強勁。
