加拿大統計局周二公佈嘅4月CPI通脹率持續反映一個情況：加國央行有能力喺短期內減息。
整體CPI 按年升幅降至2.69%，連續第四個月處於加央行可以接受嘅1%-3% 通脹目標範圍。
- 兩個央行嘅「核心」通脹指標 CPI-trim 同 CPI-median 亦分別降至2.87%同2.63%
- 呢個係第一次三個通脹數字都低過3%
其中，住屋成本嘅年增長率為6.42%，係去年11月再次出現放緩
- 睇返三大住屋成本分項，租住同自住兩項見到年增幅放緩。
- 租金係其中一個值得留意嘅放緩嘅因素，由3月嘅8.55%降至8.19%
- 另外，租戶維修開支錄得非常顯著嘅按年升幅放緩，由7.31%跌至1.68%。呢個回調係因為上年4月嘅5.3%按月升幅離開左按年嘅計算範圍之內。
我呢幾個月都頗相信加央行會喺6月減息，再唔係都會喺7月減，因為首先佢嘅通脹情況容許減息，同埋加國經濟真係需要一個低少少嘅利息去支持。呢份通脹報告好多地放都支持加央行減息嘅。
- 不過，如過你想睇下較差嘅畫面，都唔係無嘅：將近三個月嘅CPI升幅年度化，個升幅高達5.94%
近三個月整體CPI嘅按月升幅分別為0.32%（2月）、0.63%（3月）及0.5%（4月），都係過高嘅水平
- 但由於用核心數字睇，三個月年化升幅都只係1.8%以下，加央行應該可以當睇唔到住先......
