市場估緊美國第一季經濟繼續強勢，可以有2.5%嘅GDP增長（按季，但經年化）
- 結果出到黎只係得1.6%嘅增長率，低於預期近一個百分點
經濟放緩，利好減息啦應該？
- 市場即時嘅反應，係10年國債孳息抽升。
點解呢？
第一個比較明顯嘅原因，係呢份GDP 報告入面嘅顯示嘅季度PCE 物格指數升幅高達3.4%（都係按季經年化）
- 而核心PCE係第一季嘅升幅更高達3.7%
我要重申，呢兩個數字係按季升幅，唔係我地一般講嘅按年升幅（聯儲局嘅2%通漲目標係用按年數字）
- 按季年化數字當然係比較波動，而且亦都只係見到當季嘅價格變化
- 上年第四季，PCE價季度增長係降至1.8%，核心亦只有2%
- 所以見到嘅係一個顯著嘅反彈
基本上，喺GDP 報告同聽日公佈嘅月度Personal Income and Outlays報告入面嘅PCE 物價指數計法係一樣嘅。不過季度同月度嘅指數分開左兩條，兩條數唔係完全一樣嘅，但咁係無阻大家家去估聽日公佈嘅PCE 通漲會升幾多。大約條數可以咁計：
- 無年化嘅話，核心PCE季度物價就係增加左0.92%
- 咁頭兩個月，核月PCE月度物價指數一共升左大約0.71%
- 如果要將1.0071%變成1.0092%，咁大約月度PCE 係3月就要升0.21%
- 目前嘅預期係聽日會見到0.3%嘅PCE價升幅（咦，咁係會低過預期？ ）
另一個息升嘅原因，係如果我地睇第一季GDP升幅嘅佔比分類，可以見到兩點
- 首先，消費開支繼續貢獻頗顯著嘅GDP升幅: 第一季嘅貢獻係1.68個百分點，雖然低過上兩季嘅2.1百分點同2.2百分點，但仍然頗強勁。
- 而明顯「拖累」增長嘅係入口，令GDP增長低左0.96個百分點
- 要記得，入口之所以要從GDP減返出黎，原因只係因為GDP要計算嘅係一國本土所生產出嘅收入/產值；入口即係美國人消費左唔係美國生產嘅產品，所以要由其他GDP嘅消費中扣除返
- 咁如果你個重點係美國經濟需求有幾強勁嘅話，可以唔理入口嘅拖累，咁其實個GDP增長同個預期就差唔多啦。
呢個唔計淨出口（即出口減入口）嘅本土需求指標，係美國Bureau of Economic Analysis 嘅用字就叫做 Gross Domestic Purchases
– 從下圖就可以見到，Gross Domestic Purchases係第一季嘅增長雖然較上兩季有所放緩，但仍錄得2.4%嘅升幅。
總結:
換言之，美國本地需求無明顯轉弱嘅同時第一季明顯見到通漲回升，咁係聯儲局可能繼續要推遲減息嘅時間啦。
我亦都想示範一下俾大家睇，其實用季度PCE物價指數估月度PCE通漲有幾唔準：
- 首先，兩條指數嘅讀數係長期唔同嘅
- 而如果我將月度數字計個三個月升幅，再同個季度數字嘅按季升幅放埋一齊睇你會見到：月度數字係會圍住季度數字波動，咁囉。
