點解聯儲局將個RRR減到零?

RRR,即係Required Reserve Ratio(法定儲備金比率)。

  • 大家讀初階宏觀經濟學時都會學過呢個字,因為佢係傳統Money & Banking課題上,解釋貨幣供應同銀行放貸間關係嘅重要概念。
  • 係呢個理論下,貨幣供應最多可以係 reserves  X 1/RRR

聯儲局係星期日將美國嘅RRR由10%降至零,即係唔再要求銀行持有一定嘅儲備水平。點解咁嘅?

  • 要記得,現行聯儲局嘅利率制度係所謂嘅Ample Reserve System(或者我前作叫Floor System)。
  • 簡單講就係經過多年QE(及現時再重啟QE),聯儲局多年黎製造左極大量儲備黎買銀行手上嘅國債等,加上將利率調控嘅責任放左係「盛餘儲備利率(IOER)」上,所以現時銀行都會長期持有大量儲備,法定持有規定已經變得唔關事(Irrelevant )。 (即係銀行一定會持有高於「法定」數量嘅儲備)

好啦,如果法定儲備額係「唔關事」「無影響力」,呢個時候你就應該問:「咁減黎有咩用?」

所以,將RRR降至零就可以令全數儲備變成盛餘儲備,令銀行更易滿足LCR要求,變相有更多儲備可以用黎借錢出去。

登記本網Newsletter,就可以不定期收到專業嘅經濟學術及經濟時事討論