星期三荷蘭公佈將持有Air France-KLM 嘅股份比例增至12.68%，並將會進一步提高至同法國政府持股一樣嘅14.3%，用意係抗衡法國對呢間兩個合營嘅影響力，保障國家利益。荷蘭單方面行動自然令法國不滿，法國總統Emmanuel Macron更要求荷蘭「澄清」立場。
但要留意，其實荷蘭政府增持一事，市場相當反感，星期三消息傳出後股價大跌12%。現時荷法和解，股即時回升6%。原因係市場其實認為Ben Smith 嘅改革利好公司盈利能力，荷蘭增持可能令改革受阻，被視為負面消息。
亦要留意，法荷兩國近年係歐盟議題如預算上，已經有意見分歧，法國係Macron主張建立歐盟財政預預算，用以應對經濟波動；但荷蘭就領導多個成員國反對。所以Air France-KLM今次只係兩國爭端嘅一角。
