根據Wells Fargo嘅報告解釋，影響嘅程度係Nominal GDP同Real GDP係唔同嘅。
要記得，Real GDP量度嘅係實質嘅經濟生產，所以佢嘅量度基礎係會工作時數。由於政府停工令到期內政府員工無法如常工作一段時間，造成工時減少，呢個係無法補回嘅生產下降，所以Real GDP會因為政府停工而錄得額外嘅減幅。
但Nominal GDP嘅量度基礎係經濟生產嘅金錢價值，由於政府停工下公務員仍可領回期內嘅人工，即係唔做都有糧出，係Nominal GDP層面上係唔會因而錄得額外嘅跌幅，因此Nominal GDP受嘅影響係細好多。但當然︳呢度係無包括政府合約員工，因為停工而無法工作並唔會收到期內應有嘅薪酬嘅問題。
咁Real GDP同Nominal GDP係期內嘅差距係就理順呢？分析員指，數據內嘅「政府開支物價指數」（Federal Spending Price Deflator）係會因而抽升，即係以「公務員服務價格係期內急升」作為理順嘅故事。係2013年第4季嘅政府停工就有呢個情況（下圖紅圈），「政府開支物價指數」錄得異常高嘅數值。
