歐央行公佈2018年第四季嘅Bank Lending Survey (BLS，銀行信貨調查)，值得留意嘅係歐元區經濟漸漸回落嘅背景下，歐元區嘅銀行開始收緊信貸條件未？
首先係銀行向企業貸款嘅信貨要求：
圖中零以上反映銀行開始收緊信貸條件，以下就代表放寬。最左一幅就係歐元區整體情況，可以見到對企業嘅信貸條件大致平穩，讀數係近零。右圖分別係德國、西班牙、法國、意大利及荷蘭嘅情況，可見只有荷蘭嘅銀行明顯放寬信貸條件。報告顯示，荷蘭嘅銀行認為競爭壓力及預期風險下降，係放寬信貸條件嘅主要原因。
銀行對家庭消費等嘅信貸就有少少唔同，雖然信貸條件嘅變動唔算太大，但就微微傾向收緊。歐元區整體約有2%嘅收緊。如果分開國家睇，就見到收緊信貸條件嘅主要係西班牙嘅銀行，而意大利嘅銀行亦指出資金成本上升及資產表嘅局限，帶黎收緊信貨嘅壓力。
另外有調查問到銀行覺得壞帳對其信貸要求嘅影：
可以見到，壞帳相信主要會令企業信貨嘅條件收緊，其次係樓按信貸，最後先會影響到消費信貸。而相對去年7月嘅調查，銀行估算嘅壞帳負面影響有所減低，可以視為對經濟嘅一個好消息。
報告全文：
https://www.ecb.europa.eu//stats/ecb_surveys/bank_lending_survey/html/ecb.blssurvey2018q4.en.html#toc11
