本書簡介 — 都係解構2008年海嘯成因，唔同嘅係兩作者將行為經濟學及心理學，注入金融經濟學同宏觀經濟學之中，解釋「信心」（Belief）係促成危機中嘅重要角色。
此書嘅值得睇嘅最大原因，係作者之一Andrei Shleifer。Shleifer為經濟學界公認嘅明星學者，其於金融經濟學嘅研究，早於1999年已為佢贏得John Bates Clark Medal。近十來年Andrei Shleifer專注研究將行為金融學元素注入宏觀經濟理論，例如建立有系統嘅泡沬理論、心理因素對金融市場嘅影響力等，喺行為宏觀經濟學呢個未成熟嘅範疇提供好重要嘅基礎理論。 《A Crisis of Beliefs》就係佢利用近年行為宏觀研究成果寫成嘅普及讀物。
我自己未睇，但好期待。因為我雖然好鐘意Shleifer，但佢係起模型高手，好多論文都係數理模型討論為主，即係入邊有一大批假定及公理數式，數理能力有限嘅我其實無咩能力處理，所以好想睇下呢本普及讀物版本學習一下呢位天材嘅思想。
另外你可以睇下Shleifer係PIIE講座幫本書做嘅介紹：
