Everbody Lies》堅係一本寫得好好嘅書! 雖然我係聽Audiobook版,實際上係睇唔到作者嘅文筆,但確實唔多工具書變成Audiobook後,可以好似《Everbody Lies》咁全程吸引到聽者專心思考書中嘅內容,呢個正正反映作者行文嘅流暢,同內容嘅趣味趣味。

Amazon: https://amzn.to/2MaFaho


本書講咩?大路嘅講法係討論Big Data嘅好處同應用,而作者特別強調Google Search數據嘅實用同重要性。但我個人就認為《Everbody Lies》係一本講經濟學研究可以點應用Big Data嘅入門書。

作者Seth Stephens-Davidowitz係一位哈佛經濟系博士畢業嘅數據分析學者,而書中就引述左大量新興經濟學研究論文作為Big Data應用嘅例證。個人而言,有趣之處係不少書中提及嘅研究我都睇過,但就從來無用Big Data應用嘅角度去思考。

例如係《Words as Data》一章,Stephens-Davidowitz就詳細談及以下呢篇舊文介紹過嘅論文:

真正嘅「媒體經濟學」

書中其實多次提及Media Economics學者Matthew Gentzkow同Jesse Shaprio嘅研究,相信係因為Stephens-Davidowitz相當欣賞兩位頂級學者嘅數據應用技巧。

我都係Gentzkow及Shaprio嘅fans,但就未試過係Big Data框架之內理解佢地嘅研究;聽完《Everybody Lies》,我就對兩位嘅研究有深一層嘅領會。

當然,Gentzkow及Shaprio嘅研究只係書中引述嘅大量研究中嘅一少(但重要嘅)部份,書中其他例子,都做到有趣之餘亦有論述嘅效果,因此全書資訊量充足而絕不沉悶,絕對係我心目中上佳嘅經濟數據分析入門書目之一。


上次係FB就有讀者問:「呢本書係咪好似Freakonomics咁?」係呢度我就會同大家分享書中總結一章嘅一少段:

我極度同意Stephens-Davidowitz嘅講法,Freakonomics啟發左好多讀者對經濟學分析嘅興趣,解釋左動機分析嘅重要性。

但十幾年過去左,大家都應該同經濟學術一同成長;以前數據難求,大家會用經濟基礎理論去理解一啲數據較易取得嘅小問題,希望從而學得大道理。

依家數據變得普遍易得,係時候做下個步驟 — 積極利用數據驗證之前學過同相信嘅個堆大道理。

--- 全文完 ---
贊助網站本網內容 - 每月30港元 - ✔訂戶登記
如果你睇完覺得學到野或者篇文幫到你,亦請幫幫手Share篇文出去