聯儲局係最近一次議息會議後公佈咗,由10月開始會縮減其資產負債表的規模。縮減的方法,將會跟隨之前喺6月公佈嘅附錄嘅做法,而之前我已經寫過一篇短文解釋做法。

首先,聯儲局表明在縮減資產表的行動開始後,該局會每月贖回價值60億美元的美國國債本金,並會每三個月將贖回上限調升60億美元,直至計劃開始後一年,上限調升至每月300億美元。

按揭抵押券(MBS)方面,聯儲局則會在縮減資產表行動開始後每月贖回最多40億美元本金,然後亦會每三個月將贖回上限調升40億美元,直至計劃啟動後一年上限升至每月200億美元。

當兩者的每月贖回上限升至目標水平,聯儲局就會繼續以該每月贖回額回收投資本金。

但係以上的講法可能覺得有啲複雜。因此,負責執行有關減少聯儲局資產表行動嘅NY Fed就出多一篇簡單文章,再講一講減資產的實際運作。當中重點就係以下呢個講解係聯儲局未來一年多,每個月嘅本金金額分別係幾多。

簡單講就係聯儲局係今年最後一季嘅三個月,就會每個月贖回100億美元嘅本金,60億美元來自國債,40億美元就黎自MBS等嘅私人機構債券。去到明年一月,每月贖回的金額就會升到去200億美元,120億美元會喺來自國債,80億美元就會喺嚟自私人機構債券。

個過程就會係每三個月就會調高贖回額100億美元,直至去到明年底;之後就應該會維持住每個月贖回500億美元,直到聯儲局進一步嘅指示為止。

用呢個路綫圖黎計嘅話,去到明年底聯儲局就會贖回4500億美元嘅資產,大約會令到聯儲局手上持有資產總額由現時大約4.47萬億美元,減到去4.02萬億美元。

希望咁樣講一次,大家對聯儲局嘅行動會有更加好嘅理解。