德國成功奪得世界盃冠軍,真係可喜可賀!

而經濟學研究話你知,世盃過後德國仲有另一樣野可高興一下,就係佢地的失業人口可能可以進一步減少!

Via Flickr CC/ Photo by Stewart
Via Flickr CC/ Photo by Stewart

University of Cologne的學者Philipp Doerrenberg同Sebastian Siegloch年初發表的一份研究《Is Soccer Good for You? The Motivational Impact of Big Sporting Events on the Unemployed》指出,世界盃同歐國盃呢啲大型足球盛事對失業人口的心態原來有正面影響的!

研究用左德國German Socio Economic Panel的就業調查問卷數據,查證1984年至2010年14次大型足球盛事完結後,失業人口的心態變化。結果顯示,在大賽過後德國國內整體失業人口平均會更大動力去搵工,而且會更為傾向搵全識,而唔搵Part Time。更有趣的是,失業人口係世界盃同歐國盃過後,會更傾向覺得「搵工,其實唔難」,而其要求人工水平(Reservation Wage)亦會較平時為高!

你會問,是咪有啲德國人因為睇要睇世界盃而唔搵工住,所以賽事一完就多批有本事的人做左「失業人口」?研究就將不同技術水平的失業人口分開分析,但仍見到上述的現像仍然在數據上出現,某程度上否定有係「高技術」人仕故意在足球盛事前失業,而令數據出現扭曲。

另一有趣的發現,是這個足球盛事效應並無出現係女性身上!事實上,女性的搵工意向、要求人工水平同搵全職的傾向,都在足球大賽之後傾向減低,同男性的情況相反!

研究對失業人口心態的結果/報告截圖
研究對失業人口心態的結果/報告截圖

而研究亦有觀察足球大賽對失業人口對自身健康的評估之影響,發現受訪者會在大賽過後「自我感覺」變得更好。例如在為自己的健康程度用1-5分作評估,大賽過後的評估平均高一分!

目前德國的失業率是5.1%,是歐洲中較低的一個,如果研究結果會繼續在今屆過後出現,可以預計德國的失業率可能會進一步下跌。不過,可能大家更希望這個「世界盃效應」可以出現係其他歐洲國家,解決歐元區目前仍有失業人口仍有多達1850萬人的問題。

而我幾肯定這「世界盃效應」不會在香港出現的了,至少我唔相信有港人覺得世界盃過後,自己會健康左囉!

The End


如果你覺得本網嘅文章有價值,強烈建議大家係 Google News follow 我地。
Econ記者亦正研發Substack Newsletter,不定期向各位發送我地嘅經濟學術及經濟時事討論文章。
Previous article銀行信心危機 其實話黎就黎!
Next article金磚五國銀行咩來的!?
Econ記者網站新聞團隊(絕大部份時間其實得一個人主理)

留言區

This site uses Akismet to reduce spam. Learn how your comment data is processed.