Moral Hazard 相關內容

之前討論過有關George Akerlof的經典信息不對稱理論 --- Lemon Market，今次就講另一個信息不對稱理論 --- Moral Hazard。 而以下嘅討論就會參考Marginal Revolution University嘅教材。 今次嘅例子係整車：拎架車去車房修理時，正常而言整車師傅對修理詳情的認知一般會較多，因此就有所謂的信訊不對稱情況出現。 同一時間，作為顧客的你與整車師傅有不同的動機：你會想整車費平啲，而師傅就會想收多啲錢。 在雙方動機出現衝突，而一方的資訊較另一方為多時，持有較多資訊的一方就有動機去誤導甚至欺騙另一方，以求賺取更多利潤，這就是所謂的Moral Hazard（道德風險）的情況。 當然，資訊較少的一方自預期到對家會有詐騙的傾向，這會令他較為抗拒交易。 換言之，Moral Hazard嘅存在，可能令市場交易無法如常運作。 點樣解決Moral Hazard問題？ 兩個理想的方法，一係令交易雙方的資訊平等嘅，唔係就可以試令交易雙方的動機一致。 在MRU的第二課上，Tyler Cowen指出網站的評分機制就係其中一個理論上可行的方法。 一來，透過不同用家的評分，未來買家就可以對產品有更多資訊，減輕不對稱的情況；二來，在評分機制下其服務水平/產品質素將會與其評分掛勾，而評分又會影響到未來的生意。在這個制度下，賣方會較關注買方的滿意程度，亦即其交易動機會傾向更接近買方，藉以舒緩Moral Hazard。

Tag: Moral Hazard

信息不對稱與Moral Hazard

Econ記者文章

點解負債總額高唔等如就快經濟衰退呢？

美國加息其實唔易—IOER的角色

《Adults in the Room》堅係好值得睇嘅書

到底一個國家點先算係破產呢？

香港利率制度初探