Tag: Debt Ceiling

上星期六開始，美國嘅Debt Ceiling嘅暫緩措施到期，即係現時美國政府又再次受到Debt Ceiling嘅限制

美國的債務上限問題其實頗值得留意，雖然目前美國國會由共和黨控制，但在Donald Trump的領導下共和黨內有不同聲音是可以預期的。目前的情況正是年初才暫時調升的債務上限，可能會在11月，甚至早於8月就會變成「有效上限」令美國政府無法正常運作，這令有關的討論再次成為重點。 首先講述一下背景，其實在2015年11月訂下的債務上限暫緩令已在3月15日完結，而美國財政自此就利用一系列「應急措施」，調配政府現有的資金先行用來還債及支帳，暫時在不用發行新債的前題下維持政府正常運作。但當然，這類措施不能長遠解決債務上限，而第一個值得留意的問題就是「應急措施」可以將問題拖到幾時。 3月時的估計，是「應急措施」協助政府維持運作至今年11月，而政府較希望國會可以在8月休會前，就完成提高債務上限的方案。但最近公佈的稅收數據顯示，美國政府收到的稅款較預期少，這或會令「應急措施」的可拖延的時間較預期為短。 白宮的預算主管Mick Mulvaney指出，今年上半年的稅收增長少過預期，令債務上限可能在8月就影響到政府運作。根據早前FT Alphaville的網誌《Falling tax receipts pose a debt-ceiling dilemma 》指出，去年下半年開始美國財政部的六個月稅收開始錄得負增長，這是金融海嘯以來首次，這亦令政府的資金壓力增加。 該文章亦引述Goldman Sachs的研究報告就估計，8月開始美國政府就相當接近用盡債務上限，10月就會是最後的期限。 週日WSJ的報道《Capitol Hill Lacks Clarity on Debt-Ceiling Date》就指，不少國會議員都對目前政府無明確指出債務上限問題的最後期限，感到相當不滿。 報道指，美國財長Stenen Mnuchin上週五就表示，在9月5日國會休會期完結前，相信政府的資金仍未會用盡，但他希望國會盡早在休會前處理債務上限問題；而財政部亦未有回應WSJ相關的查詢。 參考報道: Capitol Hill Lacks Clarity on Debt-Ceiling...

除非今晚有突破性發展，未來兩日財經世界的走勢都會被Debt Ceiling （債務上限）呢件事左右。（當然，意大利貝老的同黨集體辭職都會左右大市啦，不過重心都係美帝會唔會違約呢件事）。各大「財經」版都在過去一星期對Debt ceiling有適量的報道，不過由於版位有限，加上美國的政治好複雜及事情發展得好急 （當然重有寫手的「我寫得詳，讀者都唔會明啦」的心態），令大部份報道都係集中於個別大事件上。 本著網上版位無限，你鐘意睇就睇，唔睇就算數的心態，我就大膽從美國的媒體為大家整合一下報道，等大家睇得明D。 首先，基本知識，美國國會分成House （眾議院） 同Senate （參議院）兩部份，House就由共和黨控制﹐Senate就由民主黨控制，形成政治兩極化 （polarization）的形勢。由於提高Debt Ceiling的法案需要係House及Senate同獲通過才可以執行，亦由於美國政府的財政年度會係10月1日開始，無法提高Debt ceiling新朌財年就唔會有錢俾政府繼續運作，政府會先在10月1日開始出現所謂Shutdown 的情況，而財政部亦預計，到左10月7日，就會可能出現美國無力還債的情況。 因此共和黨就把握機會，利用「美國政府Shutdown 同違約」作為「人質」，希望迫奧巴馬同民主黨放棄它們近年的重要政績﹣﹣﹣Obamacare （醫改法案）。奧巴馬一直姿態強硬，多次重申唔會同共和黨談判，並強調唔應該用美國政府的信用作為談判籌碼。不過共和黨就當然唔理佢，（House  Speaker John Boehner重整左條片，諷刺奧巴馬寧願同普京談判都唔同佢地談判，如下）係21日House 就通過左一個提高Debt Ceiling的法案，但當然包含停止對Obamacare撥款的條款。 當House通過左個法案，就會交俾Senate討論。由於Senate係由民主黨控制，當然唔會俾Obamacare停止撥款呢類條款出現啦。雖然共和黨明白呢個事實，但為左令事情更具戲劇性同吸引更多美國人留意，共和黨就出動佢地係Senate反對Obamacare的代表Ted Cruz議員發動「拉布」，一個棟左係度講足21個鐘零19分鐘（當中有不少精彩地方，例如朗頌下Dr. Seuss呢本兒童故事，如下）。 （上圖呢兩個係Ted Cruz個女，聽緊佢係度朗頌Dr.Seuss）   但最後，Senate係美國時間星期五下午，通過左一個新的提高Debt Ceiling 法案，內容梗係無左停止向Obamacare撥款呢件事啦。修改過嘅法案，就會發還House重議。 而最新消息就係，共和黨提出左一個「讓步方案」，將停止向Obamacare撥款的條款，改為延遲推行Obamacare一年。呢個新嘅法案已經係美國時間星期日清晨通過左，預期星期一就會番去Senate再議。 不過，民主黨係Senate嘅代表一早就講明，唔會通過任何延遲推行Obamacare嘅法案，好大機會係星期一Senate會再修訂法案，將佢變番完全唔影響Obamacare的版本，再發回House。由於星期一已經係30日，係咁發來發去會浪費唔少時間，可唔可以趕係10月1日呢個死線前過到，真係好睇兩黨點玩落去。 我唔係財演，唔打算做預估，但希望大家可以明白呢件事發展多少少。