法國嘅科企稅法案

星期三法國財長Bruno Le Maire公佈向科企徵稅嘅法案。

  • 任何科企全球收入高達7.5億歐元,同時係法國嘅收入達2500萬歐元的話,就要向法國政府支付相當於收入3%嘅稅款。要留意,稅收係以收入計,而唔係盈利計,呢個係要令科企較難避稅嘅設定。
  • 荷法和解:我地都係合作做好Air France-KLM啦

    星期三荷蘭公佈將持有Air France-KLM 嘅股份比例增至12.68%,並將會進一步提高至同法國政府持股一樣嘅14.3%,用意係抗衡法國對呢間兩個合營嘅影響力,保障國家利益。荷蘭單方面行動自然令法國不滿,法國總統Emmanuel Macron更要求荷蘭「澄清」立場。

    結果,兩國財長今日就此事會面,並開始和解

    默克爾跪求干地出席難民會議?

    話說歐盟今個星期日,會同多個成員國領䄂開一個非正式工作會議,商討歐盟區內難民問題。咁個會其實呢個會係由默克爾發起嘅,因為德國內務部長Horst Seehofer聲言會反對默克爾政府嘅開放邊境政策,令默姨姨急需係下星期嘅歐盟峰會搵到個解決難民問題嘅共識。

    但獲邀嘅成員國之一嘅意大利,就一度話要杯葛呢個工作會議。

    點解呢……?

    因為係會議之前歐盟已準備左份難民問題方案草稿,但個份草稿寫左會要求區內難民返回佢地踏入歐盟時,首個登記國家。其實呢個方案係默克爾用黎回應Seehofer嘅要求,因為德國面對嘅主要係難民Second Movement嘅問題,即係入歐之後再轉到德國住居嘅情況。

    意大利嘅反應好大,因為該國係相當熱門嘅登陸地,咁歐盟呢個方案好明顯會令意大利要接收返好多難民。意國嘅立場係歐盟應該要處理好First Movement問題,即係啲難民入歐呢個情況,而唔係只係幫德國處理Second Movement。所以,意大利內政部長兼北方聯盟首領Matteo Salvini就把握機會,要求總理Giuseppe Conte杯葛呢個工作會議,而Conte都講過會考慮杯葛。

    咁最後點……?

    暫時黎講,Conte已經講明會出席星期個工作會議,原因就係默姨姨親自打左俾佢解話。呢個係Conte係FB上嘅講法:

    據膠事錄提供嘅資訊,London Times已經用《默克爾跪求干地出席難民會議》起題。

    到底係默姨姨霸氣盡失,定係英國人愈黎愈唔鐘意默姨姨?睇唔透啦我就。