Monthly Archives: 10 月 2013
經濟學
European Monetary Fund? 咩黎架?
係近年歐盟經濟改革議程中，成立European Monetary Fund（EMF）嘅建議最令我感興趣。點解歐盟諸國會考慮成立一個歐盟版嘅IMF呢？而歐盟版嘅IMF又係咩意思呢？
銀行與政府財政嘅累鬥累偱環
歐債危機之後經濟學者學識左銀行體系同政府財政，可以係危機時形成一個累鬥累嘅惡性偱環。即係，銀行體系出現問題時，可能會拖累國家財政穩定；而國家財政不穩又可能反過黎令銀行體系受到更大嘅衝擊。
早前ECB就刊出一篇論文《Managing the sovereign-bank nexus》詳細論述呢個累鬥累偱環，據七位合著嘅經濟學者嘅整理，銀行同財政之間嘅惡性偱環可以歸納為三條風險傳播渠道。
