《Econ記者》咩黎架？
《Econ記者》係一個獨立網上媒體項目，喺2014年左右成立，當時希望推廣「經濟新聞唔只係財經」呢一個概念，令經濟為重心嘅新聞可更受重視，而經濟記者呢個歐美常見嘅職位，可以喺香港變得更為流行。
十年過去，香港變左好多，但喺呢一方面並無如我所希望咁有所改變。《Econ記者》呢個項目，亦都由喺網上薄有名氣變成一個完全過氣亦讀者欠奉嘅網站。
雖然呢個項目無甚成長，但我依然覺得喺廣東話嘅網絡空間，有一啲本港媒體較難有版位處理而KOL亦未必會花太多耐性去關注嘅經濟題材，可以喺本網生存落去。
《Econ記者》有咩睇？
目前估較多版位嘅內容為經濟新聞，特別係會集中分析美國與及加拿大同英國（兩個近年較多香港人移居嘅地方）嘅實體經濟情況。除左定期分析最新經濟數據，亦會就分析個別宏觀經濟專題（例如聯儲局最新動態）。
新聞以外，我地亦會寫經濟學相嘅分析文章，例如個別經濟概念嘅簡述，經濟研究解讀甚至經濟學者訪問，希望可以幫助讀者掌握到更多經濟學知識。
支持方法
本網嘅營運策略，係以廣告及Patreon贊助產生收入。目前兩者嘅收入都極為低微，所以喺度希望各位覺得本網內容有用嘅讀者，多多考慮贊助及分享本網文章。
邊度可以睇到《Econ記者》？
如上述，最推介各位Follow本網嘅平台就係Patreon，因為大家除左可以即時收到我地最新嘅文章之餘，亦可以出資贊助我地嘅營運。
- 而就算你未想真金白銀資助我地，我地目前亦有提供免費嘅Paid Tier會會試用，詳請可以睇呢度。
另一個建議嘅follow平台就係Google News。
- 當然再傳統啲就可以用我地嘅RSS Feed。
另外，大家亦可以從Facebook專頁追蹤我地較即時嘅經濟新聞Post。
- 雖然多年黎FB對專頁嘅朝令夕改令我地對使用FB作為發佈平台頗有保留，但鑑於該平台算係follower較多，所以仍會持續更新。
X（前Twitter）亦為《Econ記者》常用發佈平台，絕大部份FB嘅內容都會同樣出現喺X上面。
- 但我亦將該X帳戶作個人社交之用，所以亦會不時post 好多無聊食字笑話，follower請自行留意
如果想要一條無多餘內容嘅《Econ記者》社交網絡戶口，就可以考慮follow我地嘅Mastodon。
- 當然我知道Mastodon無咩人會用，但透過Fediverse功能，大家亦可經Threads去follow我地嘅Mastodon戶口，詳細方法可以睇呢度。
仲有一個非常冷門嘅方法，就係去呢個由我開嘅Subreddit r/econ_reporter_hk ， 寫左新文章我好多時都會放埋上Reddit等多啲人search到。
重點黎啦! 《Econ記者》亦設有英文版網站《EconReporter》，用英文處理一啲更技術性更具國際觀嘅題目。當然，因為我一個人時間資源有限，英文台嘅更新密度時有不定，但好多文章我個人覺得相當高質素，有時間好值得睇下!
- 如果你想要一啲平台去追蹤英文台嘅最新文章，我會建議用Google News或者我地嘅Substack。
喺度，我亦要再次多謝各位多年嘅支持，希望咁多年黎我嘅文章曾經幫到過你。
Econ記者
2025年3月
