最後更新日： 2026年03月23日
【本文原為3月21日刊出嘅Patreon周報】
睇返上個星期真係好精彩。
五大央行先後議息 ，雖然全部都係維持利率不變，但伊朗戰事同油價急升嘅背景下，央行嘅言論好受注目。
除左聯儲局，仲有加拿大央行、英倫銀行、歐央行同日本央行，無人有改變過個息率，但去到星期四五我地見到嘅係咩？ 主要嘅國債孳息都抽升得幾緊要。
例如美國國債孳息啦～
不過，最精彩嘅都係英國！ 10年期國債孳息係星期五升穿5厘！
不過講升幅當然要睇英國兩年期息率啦！
廣告
到底咩事呢？ 而家個世界咁亂，當然可以有好多理解方法。我比較鐘意嘅睇法就係星期四英倫銀行嘅9-0維持利率不變決定，令市場開始反思「係咪睇少左啲央行會用加息去應對高油價嘅決心呢？」等別係同日歐央行都上調左通脹預測同埋調低左增長估算，都係令市場諗多諗到底央行係咪真係放心用標準做法，即係所謂嘅「睇透」（look through）政策去無視油價引致嘅通脹影響。
但當然，呢個咁央行為重心嘅睇法，係無視左周四更重要嘅背景，就係伊朗開始轟炸鄰近其他中東國家嘅產油設備報復美以嘅轟襲，令市場更擔心戰事對能源市場嘅長遠打擊，例如伊朗轟炸行動令卡塔爾天然氣基地大減17%產能，呢啲消息都係令能源期貨價格抽升。
的確，依家個問題就係Strait of Hormuz停運左成三個星期，油同天然氣甚至其他原油副產品嘅供應消失嘅數量愈黎愈多，對經濟運作嘅中長綫影響會愈來愈難處理。
可能因為咁，Trump就要喺星期五美股收市後出口術去試圖減低市場憂慮。
所以要我總結上個星期，我會用呢張meme。😬
去到星期六Trump已經又恐嚇伊朗，話48小時開要重開Strait of Hormuz，唔係就炸伊朗嘅發電廠。
到底係TACO定繼續炸呢？
真係鬼知咩～
廣告
