CPI替代估算問題繼續惡化

早係6月都講過，負責統計美國CPI數字嘅勞工統計局因為人手不足問題，所以喺統計CPI時用替代方法嘅比例高左。

過左幾個月，個情況如何呢？結果就係愈黎愈差啦。

問題嘅核心係呢個叫different cell嘅方法。當CPI數據收集員無法喺指定商鋪揾到某啲指定產品嘅價格時，咁佢地首先會喺同一個地域揾返相同嘅產品，呢個就係所謂嘅Home cell 估算。但如果呢個方法都做唔到，例如依家BLS欠缺人手，派唔到人去某啲地方收集價格，就會改去唔同地域揾相同產品嘅價格，即係所謂嘅different cell 方法。

BLS上個月出左一個Youtube去解釋呢個概念

喺6月嗰時我地寫嘅係嗰時講緊個different cell 比率喺4月佔29%，已經好高，但去到9月嘅CPI報告，呢個比率已經升到去40%，反映數據質素持續轉差。

不過，我地應該係唔需要擔心呢個問題係10月CPI報告會惡化，因為睇黎唔會有10月CPI數據出現。因為自月初政府停止運作，BLS大部份時間都無員工工作，所以10月基本上無人去收集價格數據。而今次9月嘅CPI數字，都係因為本身已經係上個月收集好，只係需要召回員工做整理就可以。但10月嘅情況係應該連數據都無收，所以今日白宮都講左，10月係應該唔會再有CPI數字。