美國PCE通脹6月升至2.6%

美國嘅PCE物價指數喺6月見到2.58%嘅按年增長，而核心（扣除能源及食品）通脹率則為2.79%，兩者都係高過市場預期。

如果將按月數字分類睇，今年以黎服務通脹（唔計住屋及能源，圖中深藍）大幅減少左，但隨之而黎嘅係核心貨品（唔計食品及能源﹐紫藍色）嘅價格上升多左；亦因此核心通脹壓力仍然慢慢回升緊。

當然啦，重要嘅問題係我地可唔可以直接將核心貨品通脹講成係關稅令啲貨品加價呢？

之前白宮經濟顧問委員會出過一份分析話唔應該咁睇，因為入口比例較高嘅貨品種類嘅PCE價格升幅，係慢過整體商品嘅升幅（呢個分析去到5月份嘅數據）。但你想睇反駁呢個分析嘅論據，可以睇下呢個，個基本概念就係關稅令入口加價之餘，都係會令同入口直接競爭嘅本土產品都一齊加價。有關呢類討論我無太多時間考究，要大家自己睇下啦。